Azərbaycan Milli Qeyri-Hökümət Təşkilatları Forumu qanunların hazırlanmasının ilkin mərhələsində daha fəal iştirak etmək niyyətindədir. Bu barədə Modern.az saytına forumun prezidenti Rauf Zeyni məlumat verib. O qeyd edib ki, bu məsələ ilə bağlı əvvəlkdən razılaşma var:
“Biz indiyə qədər Milli Məclisdə qəbul olunan əksər sənədlərin ilkin müzakirəsində, ictimai dinləmələrdə iştirak etmişik. Bundan sonra isə bu məsələni daha da intensivləşdirmək arzusundayıq. Bununla bağlı yəqin ki, Milli Məclisin rəhbərliyinə müraciət edəcəyik. Çox istərdik ki, qanunlarımızın hazırlanmasının ilkin prosesində Qeyri Hökümət Təşkilatları daha yaxından iştirak etsin. Hər halda hesab edirəm ki, bu, qanunvericilik prosesində zəruri məsələdir”.
Modern.az
