Sumqayıtda ağır yol qəzası baş verib.
Fövqəladə Hallar Nazirliyindən Modern.az-a verilən məlumata görə, Sumqayıt şəhərində “OKA” və "Hyundai" markalı iki minik avtomobili toqquşub.
Hadisə yerinə Sumqayıt Regional Mərkəzinin müvafiq xilasetmə qüvvələri cəlb olunub. Xilasedicilər sıxılmış vəziyyətdə qalmış 1991-ci il təvəllüdlü Həsənov Eldar Cəmşid oğlunun cəsədini avtomobildən çıxararaq aidiyyəti üzrə təhvil veriblər.
"Report"un yerli bürosunun məlumatına görə isə hadisə nəticəsində 2 nəfər ölüb, bir neçə nəfər ağır yaralanıb.
Ölən şəxslər "Oka"nın 1991-ci il təvəllüdlü sürücüsü Həsənov Eldar Cəmşid oğlu və onun hazırda adı hələ ki, məlum olmayan sərnişinidir.
Yaralılar, eləcə də, "Hunday"ın sürücüsü ağır vəziyyətdə Sumqayıt şəhər TTYX-ya aparılıb. Xəstəxanadan verilən məlumata görə, onların vəziyyəti ağırdır.
