Xəbər verildiyi kimi Saatlı rayonunun Sarıcalar kənd sakini, 2004-cü il təvəllüdlü Ağayev Yahya Eldar oğlu məktəbdə ölüb. Məktəblinin hansı səbəbdən öldüyü hüquq-mühafizə orqanları tərəfindən aydınlaşdırılır. Digər ehtimala görə məktəbli döyüldükdən sonra vəfat edib.
Modern.az saytı məsələ ilə bağlı Saatlı rayon Təhsil Şöbəsinə müraciət edib. Şöbədən saytımıza bildirilib ki, şagird ürəktutmasından vəfat edib.
“Saatlı rayonu, Sarıcala kənd ümumi orta məktəbinin 8-ci sinif şagirdi Yəhya Ağayev tənəffüs zamanı ürəktutmasından vəfat edib. İlkin tibbi yardım göstərilməsinə və şagirdin xəstəxanaya çatdırılmasına baxmayaraq onun həyatını xilas etmək mümkün olmayıb. Faktla bağlı hüquq-mühafizə orqanlarında araşdırma aparılır”.
