Modern.az

Bu şirkət dünyada tarixi ilkə imza atacaq

Bu şirkət dünyada tarixi ilkə imza atacaq

20 Avqust 2018, 00:16

"Huawei" 7 nanometrlik texnoloji proses normalarına uyğun istehsal edilmiş prosessorla təchiz ediləcək smartfon təqdim edən ilk şirkət kimi tarixə düşəcək. Modern.az-ın "İCT-news"a istinadən məlumatına görə, şirkətin istehlak bölməsinin direktoru Riçard Yu təsdiq edib ki, "Kirin 980" prosessoru oktyabrda təqdim ediləcək "Mate 20" smartfonuna quraşdırılacaq.

 

"ICTnews" Elektron Xəbər Xidməti "hitech.vesti.ru" saytına istinadən yazır ki, "Huawei" şirkəti 31 avqust – 5 sentyabr tarixlərində Berlində keçiriləcək "IFA 2018" sərgisində yeni mobil prosessorunu rəsmən təqdim edəcək.

 

"Kirin 980" prosessoru 7 nanometrlik (nm) texnoloji proses üzrə hazırlanacaq. Güman ki, yeni prosessor əvvəlki 10 nm-lik 970 modelindən 20% daha məhsuldar və enerji baxımından 40% daha səmərəli olacaq. Yeni prosessor 8 nüvəyə (4 "ARM Cortex-A76" və 4 "Cortex-A55") malik olacaq və takt tezliyi 2,8 QHs-dək çatacaq. Yeni neyron şəbəkə modulunun süni intellekt funksiyaları ilə bağlı məsələlərin işlənməsini sürətləndirəcəyi gözlənilir.

Twitter
Sizə yeni tvit var
Keçid et
Ukraynadan Rusiyaya ardıcıl zərbələr: Vəziyyət kritikdir