Türkiyə prezidentinin mətbuat katibi İbrahim Kalın ABŞ-ın Ankaradakı səfirliyinə atəş açılması barədə danışıb.
Modern.az Türkiyə mətbuatına istinadən xəbər verir ki, Kalın bu hadisəni provokasiya adlandırıb.
“Bu, açıq-aydın xaos yaratmaq cəhdidir. Türkiyə etibarlı bir ölkədir və bütün xarici missiyalar qanunların zəmanəti altındadır. Hələlik araşdırma aparılır və hadisə mümkün qədər tez bir zamanda aydınlaşacaq” – Kalın Twitter hesabında yazıb.
Qeyd edək ki, hakim Ədalət və İnkişaf Partiyasının (AKP) mətbuat katibi Ömer Çelik də hadisəni provokasiya olaraq qiymətləndirib.
Qeyd edək ki, naməlum şəxslər ABŞ-ın Türkiyənin paytaxtı Ankarada yerləşən səfirliyini atəşə tutublar.
Məlumata görə, insident yerli vaxtla saat 05:00 radələrində baş verib, atəş yolun kənarında dayanan ağ avtomobildən açılıb. Hadisə nəticəsində xəsarət alan olmayıb.
Bildirilir ki, atəş açan şəxslər hadisə yerindən qaça bilib.
