Almaniyanın Humboldt Universitetinin ölkəmizdə səfərdə olan müəllim və tələbələrindən ibarət nümayəndə heyəti05 oktyabr 2011-ci il tarixdə Qəbələ rayonuna səfərə yollanıb. Qəbələdə rayonunda günün ikinci yarısı baş tutan görüşdə qonaqları Rayon İcra Hakimiyyətinin başçıcı Səbuhi Abdullayev qəbul edib. Görüş zamanı icra başçısı qədim Albaniyanın paytaxtı olan Qəbələ haqqında, Qəbələnin iqtisadi inkişafı, infrastrukturun yenilənməsi, rayonda keçirilən beynəlxalq tədbirlər barədə məlumatlar verib.
Gənclər və İdman Nazirliyinin mətbuat xidmətindən Modern.az-a verilən məlumata görə, qonaqlar bir zamanlar qədim Albaniyanın paytaxtı, bu gün isə Qəbələ şəhərinin xarabalıqları olan Çuxur qorugu ilə tanış olublar.
Bu gün qonaqlar Qəbələnin Nic kəndi ilə tanışlıqdan sonra Şəki şəhərinə yola düşəcəklər. Şəkidə Xan Sarayı, İpək toxuma müəssisəsinə gedib, Kiş kəndi və Tarix muzeyini ziyarət edəcəklər.
Modern.az
