Türkiyə dəmiryollarını Almaniyanın maddi və texnoloji dəstəyi ilə modernləşdirmək niyyətindədir. Modern.az xəbər verir ki, yayılan məlumata görə, Türkiyə bu layihəni “Simens” şirkətinin tabeliyindəki konsoriuma verməyi planlaşdırır. Layihəyə çərçivəsində yüksək sürətli qatar şəbəkəsinin qurulması, dəmiryollarına müasir siqnal texnologiyalarının quraşdırılması və köhnə dəmiryolu şəbəkəsinin modernləşdirilməsi nəzərdə tutulur. Bu layihə qardaş ölkəyə 35 milyard avroya başa gələcəyi bildirilir.
Qeyd edək ki, məsələ ilə bağlı Almaniya hökuməti və “Siemens” hələlik heç bir açıqlama verməyib.
