Gürcüstan tərəfi Ermənistana qaz verilməsini bu gün səhər saat 7-də dayandırıb.
Modern.az Ermənistan mətbuatına istinadən xəbər verir ki, Ermənistana qazın verilməsinə sentyabrın 24-dən 26-na kimi müvəqqəti olaraq ara verilib.
Gürcüstan tərəfi bu barədə “Ermənistan Qazprom” tərəfinə məlumat verib və bunun “Şimali Qafqaz – Zaqafqaziya” borusunda təmirlə əlaqəli olduğunu söyləyib.
Qeyd edək ki, bu tarixlər ərzində Ermənistan istifadəçilərin qaz problemini daxili resurslarla ödəməli olacaq.
