Modern.az

“Qanımızı axıdan namussuzun cəzasını...” - Sevil Nuriyeva Etimaddan YAZDI  

“Qanımızı axıdan namussuzun cəzasını...” - Sevil Nuriyeva Etimaddan YAZDI  

26 Sentyabr 2018, 14:58

Türkiyədə öldürülən iş adamı Etimad İsmayılovun bu gün yeddi mərasimidir. Mərhumun xanımı, tanınmış jurnalist Sevil Nuriyeva bununla əlaqədar sosial şəbəkə hesabında həyat yoldaşı və oğlunun şəklini paylaşaraq status yazıb.


Modern.az Sevil Nuriyevanın “Allah var, qəm yox” adlı paylaşımını təqdim edir:


“Bu dünya mərdləri də, namərdləri də ayırd edən yerdir. Nəhayətdə, divana çıxacağıq... Mənim Etimadım mərd doğuldu və mərd kişi olaraq, bu aləmi tərk etdi...

Cənnətdə onunla təkrar qovuşmaq ən böyük arzumdur. Bu gün 7-ci gündür ki, bu aləmi tərk etdi. Mən ondan razıyam, dostları, iş gördüyü namuslu insanlar, qohumları ondan razıdır. Ağzı oruclu, abdestli və ən son gün zəkat verərək dünyadan köçdü. Allah səndən razı olsun, canımın içi. Sən İlyası necə görmək istəyirdinsə, məni necə görmək istəyirdinsə, sənə sözümdür, hamısı olacaq...

Bu gün dostlarından mülk və yasin surəsi oxunmasını xahiş edirəm. Məni yalnız buraxmayan, dualarını əksik etməyən, başsağlığı verən, mənim çiynimə çiynini dayayan gerçək dostlarımıza mütəşəkkirəm. Allah sizləri qorusun və dərd verməsin.

Bu dünyada nəfəsim bədənimdən çıxan günə qədər Allahım üçün, məfkurəm üçün, davam üçün, Etimadım üçün, İlyasım üçün, dostlarım üçün yaxşı olmağa, mərd olmağa, mərhəmətli olmağa davam edəcəm. Acım dərin və heç dinməyəcək. Amma cənnətdə qovuşanadək dua edəcəm Etimad... Səninlə fəxr etdim hər zaman... Səninlə birlikdə keçən hər an bir ömür qədər qiymətlidir, əzizdir, ƏZİZİM. Arxanda qoyduğun mərd adam adı üçün sağ ol, canım. İlyasa buraxdığın ən qiymətli miras budur. Məni gözlə, əzizim. Vaxt tamam olanda Allah cənnətində qovuşduracaq, inşallah.

Not: Sənə alçaqca, qorxaqca, şərəfsizcə saldıran pislik isə hər iki dünyada bimar olacaq. Allahın ədalətinə sonsuz şükürlər olsun. Və Türkiyə Dövlətinin ədaləti hər şeyi şübhəsiz ortaya çıxaracaq. Qanımızı axıdan bişərəfin, namussuzun cəzasını ilahi ədalətə və Türkiyə Dövlətinin ədalətinə həvalə edirəm...”.


Aysel Aslan

Whatsapp
Bizə yazın!
Keçid et
Ukrayna ordusu dəhşət saçdı: Rusiya ərazisi vuruldu