Britaniyanın Bornut şəhərindəki “Cameo” gecə klubunda naməlum maddənin səpilməsi nəticəsində 40-a yaxın insan zərər çəkib.
Modern.az “Daily Mirror” nəşrinə istinadən xəbər verir ki, zərərçəkənlər nəfəs problemləri, öskürək və gözlərdə yanğıdan şikayət ediblər.
Hüquq-mühafizə orqanları klubda səpilən maddənin “Siren” qazı ola biləcəyindən şübhələnir.
Ərazidə olan bütün şəxslər təcili şəkildə təxliyə edilib. Klubda olan insanların dəqiq sayı açıqlanmır, amma həmin gecə klubda 3 minə yaxın biletin satıldığı bildirilib.
Hadisə yerində işləyən mütəxəssislər kimyəvi zəhərlənmə və ya toksik hər hansı bir təhlükə aşkarlamayıb.
