Uzun illər idi ki, Quba rayonunun minillik tarixi olan Möhüc kəndində su problemi mövcud idi. Yerli əhali suyu çaydan müxtəlif qoşqu vasitələrindən istifadə etməklə kəndə daşıyırdı. Sonuncu parlament seçkiləri öncəsi, Möhüc kəndində keçirilən görüş zamanı bu problemlə bağlı deputat Vahid Əhmədova müraciət olunmuşdu. Nəhayət millət vəkili Vahid Əhmədovun şəxsi vəsaiti və yerli sakibkarların köməyi ilə iki km. məsafədən kəndə su xətti çəkilərək, bulaq kompleksi istifadəyə verilib. Deputatın köməkçisi Arif Orucovun Modern.az-a bildirdiyinə görə, oktyabrın 17-də bu münasibətlə kənddə tədbir keçirilib. Millət vəkili ilə yanaşı, açılışda rayonun və kənd ictimaiyyətinin nümayəndələri iştirak edib.
Modern.az
