Arxiv
12 Oktyabr 2018, 08:42 | MEDİA
Səmayə Məmmədova: “Hələ ki qarşıma sözünün ağası olan insan çıxmayıb” - MÜSAHİBƏ

Gənclər və İdman Nazirliyinin mətbuat katibi Səmayə Məmmədovanın Modern.az saytına müsahibəsi...
 

- Samayə xanım, əksər hallarda mətbuat katiblərinə təmsil olunduqları qurum barədə suallar ünvanlayırıq.  Bu dəfə fərqlilik etmək istəyirik. Öncə soruşaq: əhvalınız necədir?

- Çox sag olun. Ən azından bu gün dünənkindən daha yaxşıdır. Sabah isə  bugündən də gözəl olacaq. Demək ki, əhvalım əladır...

- Təxminən bir ay bundan əvvəl Azərbaycan prezidenti İlham Əliyev dövlət qulluqçularının təltif edilməsi haqqında sərəncam imzalayıb. Təltif edilənlər arasında siz də varsız. Bir xanım olaraq hisslərinizi bizimlə bölüşərdiniz?

- Təbii ki, qürur, sevinc, məsuliyyət hissi və çox böyük stimul... Cənab Prezident tərəfindən “Dövlət qulluğunda fərqlənməyə görə” medalına layiq görülmək sadəcə gördüyün işə verilən yüksək qiymət deyil, eyni zamanda, işinə daha fərqli və daha məsuliyyətli yanaşmadır.

Bilirsiniz, cənab Prezidentin mənzil hədiyyə etdiyi mətbut katibləri arasında mən də varam.  Bu il isə ölkə başçısı tərəfindən “Dövlət qulluğunda fərqlənməyə görə”  medalı ilə təltif olundum. 2013-2014 cü illərdə “2017-2015-ci illərdə Xaricdə təhsi Dövlət Proqramı” vasitəsi ilə İngiltərinin Nyukastl universitetində media, PR və kommunikasiya sahəsi üzrə maqistr dərəcəsi almışam. Dövlətimin qayğısını, arzularımın gerçəkləməsi istiqamətində mənə göstərilən dəstəyi gördüyüm zaman qürur və sözün əsl mənasında sevinc hissi duyuram. Bütün bunlar mənə böyük stimul verir.

- Uzun illərdir ki, mətbuat katibi vəzifəsində çalışırsınız.  Bunun çətin və fərqli tərəfləri nədən ibarətdir?


- Mətbuat katibini çalışdığı qurumun siması, bu qurumla media arasında körpü də adlandırmaq olar. Mətbuat katibini eyni zamanda, əlaqələndirici şəxs və hətta qurum üçün ən həssas məqamların həllində bilavasitə təsiredici qüvvə də adlandırmaq olar.

Əgər körpünün bünövrəsi möhkəm və sağlam dayaqlar üzərində qurulubsa, demək ki, burada etibar və güvəndən əminliklə danışmaq olar. 

Bilirsiniz, bu sahədə  yaradıcı və yeni ideyalarla zəngin olmaq da önəmli  və faydalı tərəflərdən biridir. Mətbuat katibi vəzifəsinə televiziyadan gəlməyim bu işin incəliklərini daha dərindən bilməmdə mənə çox böyük yardımçı oldu. 1998-2004-cü illərdə “Space” Müstəqil Teleradio şirkətində aparıcı, müəllif olaraq çalışmışam. Əminliklə deyə bilərəm ki, işə fərqli yanaşmada, nazirlik tərəfindən həyata keçirilən layihələrin media vasitəsi ilə ictimaiyyətə  daha kreativ çatdırılmasında, bütün bunlarla yanaşı, media incəliklərinə bələd olmamda televiziya məktəbinin əvəzsiz  rolu olub.

Əgər bu sahənin fərqli tərəflərindən danışırıqsa,  jurnalist yazdığı yazıya, süjetə cavabdehdir. Mətbuat katibi isə təmsil etdiyi qurumun siması olmaqla bu qurumun mediada, ictimaiyyətdə nüfuzuna birbaşa cavabdeh olan şəxslərdən biridir.

- Nə zamansa mətbuat katibliyindən getmək barədə düşünmüsünüzmü?

- 14 ildən artıqdır ki, mətbuat katibi olaraq çalışıram. Bu sahədə ilk sınağım 2004-2005-ci illərdə Vergilər Nazirliyinin media departamentində olub. 2005-2007-ci illərdə isə  Səhiyyə Nazirliyində mətbuat katibi olaraq çalışmışam.  Son 11 ili Gənclər və İdman Nazirliyinin mətbuat katibi olaraq fəalliyyətimi davam etdirirəm. 

Nazirlik gənclər və idman sahələrini əhatə etdiyi üçün, burada yaradıcılığa, fərqliliyə daha geniş imkanlar açılmış olur. Hər hansı bir layihənin mediada təbliğatı sadəcə mətbuatın dəvəti deyil. Layihənin uzun və qısamüddətli olmasından asılı olmayaraq,  strategiyanın, analizin, layihənin zəif və güclü tərəflərinin işlənilməsi, bu layihənin ictimaiyyət üçün önəminin araşdırılması,  media monitorinqinin aparılması təbii ki, yaradıcı və eyni zamanda peşəkar yanaşma tələb edir. Media dünyasının günbəgün deyil, saatbasaat, anbaan dəyişdiyini, inkişaf etdiyini, tələbələrin böyüdüyünü  nəzərə alsaq, təbii ki, işin də  durmadan artığını aydın şəkildə görmək olar. Media sahəsində daim dalğanın önündə olmaq lazımdır. Əks halda gecikə ya da çox geridə qala bilərsən...

Xüsusi olaraq qeyd edim ki, çalışdığın qurumun rəhbərinin, kollektivinin də işə olan münasibətinə çox böyük təsiri var. Çox sevinirəm ki, rəhbərim, nazir Azad Rəhimov daim yeniliyə, yaradıcılığa açıq bir şəxs olaraq, mənə bu illər ərzində daim dəstək göstərib, dəyərli məsləhətlərini heç vaxt əsirgəməyib. Qürurla son 11 il ərzində  çox  gözəl məktəb keçdiyimi və keçməkdə olduğumu  deyə bilərəm.

Sualınıza cavab olaraq deyim ki, çalışdığım sahədə  daim yeniliyə can atdığım üçün, düzü onu dəyişmək barədə heç düşünməmişəm. Amma mətbuata gəlməsəydim, musiqini davam etdirsəydim, bu gün mütləq peşəkar bir pionoçu olardım.

 


- Sizin həm də böyük televiziya təcrübəniz var. O illərdən bu yana televiziya mühitində nələr dəyişib?

- Bu gün media,  televiziyalarımız, təbii ki, daha çox inkişaf edir. Müasirlik, texnologiya sahəsində inkişaf, dünya media aləminin yenilikləri bizdən də yan keçməyib. Mühitin nə qədər dəyişməsi sualına gəldikdə isə düzü, çox şey dəyişib. Əfsuslar, bəzi zamanlarda mövzuya yanaşma, insan faktoruna, yaşantılara, insan həyatına təsir edən bir çox hadisələrə olan həsasslıq dəyişib. Bu gün çox şey səs-küyün, reytinqin üzərində qurulub. Bəzən, insan faktoru, insan hissləri ikinci, hətta son plana keçir desəm, yanılmaram. Sosial şəbəkənin, Facebook, İnstagram-ın təbii ki, rolu böyükdür. İnformasiyanın ictimaiyyət arasında geniş yayılmasında, insanlararası əlaqələrin daha sıx qurulmasında, reallıqların cəmiyyətə açıq güzgü kimi ötürülməsində onların hər birinin özünəməxsus  rolu var. Amma bütün bu müsbət tərəflərin fonunda, mənim üçün ən qorxulusu sosial şəbəkələrin insan hisslərini arxa plana salması, bir zamanlar insan üçün dəyərli olan insani münasibətlərin, hisslərin artıq getdikcə adiləşməsi, hətta  bəzən heçə çevrilməsidir. Ümid edirəm ki, insan dəyərinin öləcəyi günü görməyəcəyik.

- Yenidən nə zamansa televiziyaya qayıtmaq istəyərsizmi? Məsələn, həmkarınız Anar Nəcəfli hazırda məmur postunda olsa da, ARB kanalında veriliş aparır.

- Mən “Space” Teleradio şirkətində 1998-2004-cü illərdə çalışmışam. O illərdə kanalımızda öz imzası, öz dəsti-xətti olan, yüksək səviyyəli peşəkarlar çalışırdı. Onların hər birindən az da olsa öyrənmək, məsləhətlərini dinləmək, yeri gələndə bir zamanlar çox ağrılı görünən, lakin zaman keçdikcə deyilən sözlərin inkişafa nə qədər müsbət təsir etdiyini görmək qüruru hissi yaşadır. Mənim televiziyada Nadir Bədəlov, rəhmətlik Rafiq Hüseynov kimi müəllimlərim olub. Əminəm ki, bu cür böyük məktəb keçən insan üçün aparıcılıqdan uzaq düşmək, televiziyadan uzaq düşmək demək deyil. Əsas məsələ bünövrənin düzgün qoyulmasıdır.  Maraqlı təklif gələrsə, böyük məmnuniyyətlə onu dəyərləndirirəm.


- Samayə xanım, bir qədər də şəxsi həyatınızdan danışaq. Subay və gözəl xanımsınız. Hər halda elçiləriniz də az deyil. Ailə qurmaq barədə düşüncələrinizi eşitmək istərdik. Ümumiyyətlə, ailə dəyərləri necə olmalıdır?

- Bilirsiniz, insan çox böyük imkan, şərait, şan-şöhrət, ad-san, nüfuz sahibi ola bilər. Amma şəxsi münasibətlərdə cəsarətli, ürəkli, mərd  deyilsə, demək ki, onun insan olaraq heç bir dəyəri yoxdur. Təbii ki, mənə öz hisslərini etiraf edən, istəyini bildirən insanlar olub. Amma hələ ki qarşıma sözünün ağası olan, tam güvənə biləcəyim birisi çıxmayıb. Çıxarsa, təbii ki, şəxsi münasibətlər barədə ciddi düşünəcəm.
Ailə dəyərləri necə olmalıdır dedikdə isə  gözümün önünə, böyüyüb boya-başa çatdığım ailəm, valideynlərim, bacılarım, valideynlərimin biz övladlara, bir- birilərinə olan münasibəti, hörmət, anlayış və sevgiləri gəlir. Mənim üçün atam düşünən beynim, anam isə döyünən ürəyimdir. Atamla məsləhətləşir, anamla hiss edirəm. Mənə olan inamları, güvənləri, bir an belə əsirgəmədikləri sevgiləri, göstərdikləri sonsuz qayğı və diqqət üçün onlara təşəkkür edirəm. Qarşılarında baş əyirəm!

- Bəs gələcək həyat yoldaşınız hansı kriteriyalara sahib olmalıdır?

- Bilirsiniz, bu sala cavab verməyə düzü çətinlik çəkirəm. Hər şey bu qədər asan olsaydı, həyat tam fərqli qurulardı. Əminəm ki, qarşıma elə bir insan çıxdığı zaman, ürəyim və beynim mənə düz yolu göstərəcək...










BU KATEQORİYADAN OLAN DİGƏR XƏBƏRLƏR
+ Arxiv
Qəbul imtahanlarında maksimal bal və fənlər üzrə ballar açıqlandı   27 May 2019, 12:53 Çingiz Qənizadə növbəti dəfə seçicilərilə görüşüb   27 May 2019, 12:47 Avrasiyanın ədəbiyyat üzrə 4-cü “LiFFt” festivalı Bakıda keçiriləcək 27 May 2019, 12:45 AFFA geri qaytarılan biletlər üçün UEFA-ya müraciət etdi: “Verin, biz sataq!” 27 May 2019, 12:39 Deputat iftar süfrəsi açdı 27 May 2019, 12:20 Şəmkirdə quldurluq edən 2 nəfər tutuldu 27 May 2019, 12:10 İcra Hakimiyyəti Xalidə Bayramova ilə bağlı xəbəri TƏSDİQLƏDİ - RƏSMİ 27 May 2019, 12:09 “Nar” şəbəkəsi Avropa Liqasının final oyununa hazırdır 27 May 2019, 12:07 Fransada millətçilər seçkilərdə qalib gəldilər 27 May 2019, 12:00 Əli Əhmədovdan Əli İnsanova daha bir CAVAB: “Elə bilir ki, hamı xəyanətkardır 27 May 2019, 11:49 Zelenski deputatları ittiham edib 27 May 2019, 11:47 Daha 1787 şəhid vərəsəsinə birdəfəlik ödəmə verilir 27 May 2019, 11:44 Ölkədəki faktiki hava şəraiti açıqlandı 27 May 2019, 11:40 Lüks avtomobilli rektordan cavab gəldi: “O maşın 2012-ci ildə alınıb” 27 May 2019, 11:25 Bakının enerji etibarlığı artırıldı 27 May 2019, 11:23 Bakı Ali Neft Məktəbinin məzunları iş tapmaqda liderdir 27 May 2019, 11:21 DOST xidmətlərindən 3 mindən çox  vətəndaş faydalanıb 27 May 2019, 11:18 DİM qapalı və açıq tipli tapşırıqlar üzrə maksimal balın hesablanması qaydasını açıqladı 27 May 2019, 11:11 İyunun 2-də buraxılış imtahanları keçiriləcək 27 May 2019, 11:09 Britaniya səfiri: “Bakıda Avropa Liqasının finalına ciddi hazırlıq işləri aparılıb” 27 May 2019, 10:59 Çağdaş və qədim Özbəkistanda 10 gün - REPORTAJ 27 May 2019, 10:53 Yevlaxda qadının boğazını kəsib öldürən şəxs tutuldu 27 May 2019, 10:52 Səninlə fəxr edirik, Azərbaycan əsgəri! 27 May 2019, 10:47 Gəncədə Heydər Əliyev Fondunun təşəbbüsü ilə iftar verildi 27 May 2019, 10:44 Bakıda ekstremal dərəcədə az çəki ilə doğulan körpə həyata qaytarılıb 27 May 2019, 10:36 Prezident Cümhuriyyət abidəsini ziyarət etdi - FOTOLAR 27 May 2019, 10:19 Məmmədyarov: "Cəmiyyətlərin sülhə hazırlanması üçün Ermənistan işğalçılıq siyasətindən əl çəkməlidir" 27 May 2019, 10:12 “Bank Standard”ın Kreditorlar Komitəsinin sədri istefa verir 27 May 2019, 10:11 Tramp İranla danışıqlar üçün şərt irəli sürdü 27 May 2019, 10:06 “Çin dili körpüsü” müsabiqəsinin seçim turu keçirildi   27 May 2019, 10:04 BirBank-ı artıq meqabaytsız da istifadə etmək olar   27 May 2019, 10:02 Ermənistanda “Cin şüşədən çıxdı” - Paşinyan onu geri qaytara bilməyəcək 27 May 2019, 09:53 Ermənilər cəbhədə təxribatlara davam edir 27 May 2019, 09:39 Konqoda gəmi batdı - 30 nəfər öldü 27 May 2019, 09:09 Litvada yeni prezident seçildi - FOTO 27 May 2019, 09:07