“Cəzaların humansitləşdirilməsi istiqamətində bütün addımları alqışlayıram”.
Modern.az-ın məlumatına görə, bunu Milli Məclisin bu gün keçirilən iclasında deputat Elman Məmmədov deyib. Deputat bildirib ki, həbsdən azadlığa çıxan insanlar iş tapa bilmirlər.
“Qanunda göstərilib ki, onlara bu istiqamətdə köməkliklər göstərilməlidir. Ancaq məmurlar niyə buna əməl etmirlər? O adamlar necə işsiz qala bilər? Onlar nə ilə dolansınlar?
Bəyənmədiyimiz Sovet dövlətinin belə bir şey vardı ki, həbsdən azadlığa çıxan insan yaşadığı yer üzrə nəzarətə götürülürdü. Və işlə təmin olunurdu. Bu insanların bir daha həbsə qayıtmaması üçün bu addımı atmalıyıq”.
