Türkiyənin Van şəhərində zəlzələ nəticəsində dağıntılar altında qalan 6 nəfəri Azərbaycan Fövqəladə Hallar Nazirliyinin (FHN) xilasediciləri sağ çıxarıblar. Modern.az FHN-nin rəsmi internet saytına istinadən xəbər verir ki, gecə saatlarında Azərbaycan xilasediciləri tərəfindən daha 3 cəsəd tapılaraq dağıntılar altından çıxarılıb və aidiyyəti üzrə təhvil verilib.
Bununla da, 24 oktyabr 2011-ci il tarixindən bu saatlaradək Azərbaycan Fövqəladə Hallar Nazirliyinin xilasediciləri tərəfindən Türkiyənin Erciş şəhərində uçqun və dağıntılar altından 6 nəfər xilas edilib, 10 nəfərin isə cəsədi çıxarılaraq aidiyyəti üzrə təhvil verilib. Hazırda axtarış-xilasetmə əməliyyatları davam etdirilir.
Modern.az
