Arxiv
15 Noyabr 2018, 11:00 | MEDİA
Bizimkilər - Xanım jurnalist: “Təzyiqlərə də məruz qaldım, amma bu peşədən bezmədim” - FOTOLAR  

Modern.az saytında “Bizimkilər” rubrikasına davam edirik. Bu rubrikada özümüzünkülərdən – jurnalist həmkarlarımızdan yazır, onları oxucularla daha yaxından tanış edirik. Rubrikamızın bunövbəti qonağı AzNews.az saytının müxbiri Bahar Rüstəmlidir.


Bahar Rüstəmli Zərdab rayonunun Əlibəyli kəndində anadan olub. Əlibəyli kənd orta məktəbini bitirib. Orta məktəbi bitirdikdən sonra əvvəlcə rayonun Gəlmə Kənd kolxozunda pambıqçı işləyib. 1989-cu ildə Bakı Dövlət Universitetinə qəbul olunub.

Azərbaycan mətbuatında ilk fəaliyyətinə 1993-cü ildə “Respublika” qəzetindən başlayıb. 1999-cu ildə “Ekspers” qəzetində korrektor işləyib. 2001-ci il avqustun 5-də “Reytinq” qəzetinə müxbir vəzifəsinə işə götürülüb. 2002-ci il yanvarın 4-də həmin qəzetdə şöbə müdiri vəzifəsinə keçirilib. 2012-ci ildə “Reytinq” qəzetindı 12 işlədiyi şöbə müdiri vəzifəsindən azad edilib.

2012-ci ilavqustun 5-də AzNews.az portalında müxbir vəzifəsinə işə götürülüb. 7 ildir ki, AzNews.az portalında çalışır.

Jurnalistikada olduğu illərdə “Media açarı” mükafatına layiq görülüb.


- Bahar xanım, jurnalistikaya gəlməyə sizi nə cəlb etdi?

- Tələbəlik illərində ətrafım ancaq jurnalistlərdən ibarət idi. O zaman mətbuatda ən diqqət çəkən sahə araşdırma mövzuları idi. Elə mövzular vardı ki, onu araşdırmaq aylarla vaxt aparırdı. Tələbə dostlarım söhbət əsnasında belə araşdırmaları müzakirə edirdi. Hətta bəzən hər hansı bir şəxslə görüş təyin edəndə mən də onlarla gedirdim. Onların müsahibləri, söhbəti məndə bu sahəyə maraq oyatdı. Bəzən söhbətə mən də qarışırdım. O vaxtdan 25 ildir ki, Azərbaycan mətbuatındayam.



- Uzun müddətdir jurnalist işləyirsiniz, bəs nə zamansa başqa sahəyə keçmək istəmisiniz?

- Üst-üstə 25 il... Haradasa bir insan ömrü... Jurnalistlik fəaliyyətim əsasən “Yeni Azərbaycan”, “Reytinq” qəzetləri və “AzNews.az”  informasiya portalında işıqlanıb. Adlarını çəkdiyim mətbuat orqanlarında, xüsusilə də “Reytinq” və “AzNews.az”da işlədiyim illərdə bəzi müsahibələrimdə və araşdırma mövzularımda təzyiqlərə də məruz qalmışam. Bununla belə bu peşədən heç bir zaman bezmədim. Əksinə, hər dəfə kiminsə şikayətini dinləyəndə və hiss edəndə ona kömək etmişəm, problemi həll olunub, bu isə mənə rahatlıq verib.


- Jurnalistikanın həyatınıza hansı təsirləri olub?

- Yaxşı, arzuladığım həyat tərzindən söhbət gedə bilməz. 25 ildir gecəmi gündüzümə qatıb, istirahət bilmədən işləyirəm. Amma buna baxmayaraq, 26 ildir ki, kirayədə yaşayıram. Sonsuz sayda çətinliklərim olub. Həmişə səbr edib, reallıqla barışmışam. Bu çətinliklərə baxmayaraq, peşəmi sevirəm. Əsas odur ki, tanınırsan, sevilirsən, sənə hörmət edirlər.



- Yazdığı yazılar, müsahibələr jurnalist üçün əzizdir. Ən çox bəyəndiyiniz müsahibəniz kiminlə olub?

- Əlbəttə. Bütün müsahibələrim mənim üçün əzizidir. Azərbaycan mətbuatında yazılarımla tanınmışam. Bu müddət ərzində məni deyib redaksiyaya üz tutan bütün şikayətçilərə dəstək olmuşam. Düzdür, bəzən elə şəxslər olurdu ki, ona əl tuta bilmirdik. Amma bu məni qətiyyən ruhdan salmırdı. Elə müsahibəm olub ki, aylarla mətbuatda müzakirə olunub, gündəm yaradıb. Belə şeylər bəzən müsahiblərimi məndən uzaqlaşdırıb. Həmişə haqqı əzilən sənət adamlarının yanında olmuşam. Onların haqqı uğrunda mübarizə aparmışam. Bunu respublikanın xalq artistlərinin böyük əksəriyyəti də deyə bilər. Jurnalist gərək azad olsun. Mənim xoşbəxtliyim onda olub ki, çalışdığım bütün mətbuat orqanlarında sərbəst olmuşam. Əldə etdiyim bütün xəbərlər işlədiyim mətbuat orqanlarında çap olunub. Qarşıma “bu olmaz”, “bizdə bu gedə bilməz” deyə hər hansı qadağa qoyulmayıb. Mənə bu azadlığı verən  “Reytinq”in və “AzNews.az”ın rəhbərliyinə təşəkkür edirəm.


- Jurnalistika ilə bağlı reallaşdırmaq istədiyiniz layihə varmı?

- Düzü, bir layihə üzərində düşünürəm. Məncə onu həyata keçirmək lazımdır. Jurnalistlər az maaşla dolanan insanlardır. Aldıqları məvacib onların aylıq dolanışığına güclə çatır. Bəziləri var ki, ailədə problemlə üzləşir, bəziləri övladının təhsil haqqını ödəməkdə, bəziləri isə kirayə pullarını verməkdə çətinlik çəkirlər. Və buna görə bəzən kimlərəsə ağız acmalı olurlar. Düşünürəm ki, bu problemlərin bir həlli yolu var. “Jurnalist kredit” təşkilatı yaratmaq lazımdır. Həmin təşkilat yaradılsa, jurnalistlər dara düşdükləri anlarda oradan pul götürə bilərlər. 



BU KATEQORİYADAN OLAN DİGƏR XƏBƏRLƏR
+ Arxiv
Beynəlxalq Türk Mədəniyyəti və İrsi Fondu müsabiqə elan etdi 17 Sentyabr 2019, 16:03 Əhalini siyahıyaalmaya az qalıb - Milli mənsubiyyət də soruşulacaq - RƏSMİ 17 Sentyabr 2019, 16:00 “Azərsu” kanalizasiya sistemlərini yeniləyir 17 Sentyabr 2019, 15:57 Azərbaycan Qazaxıstanla Xəzər dənizi üzrə məsləhətləşmələr keçirib 17 Sentyabr 2019, 15:51 “Ali təhsil haqqında” qanun layihəsinin müzakirə vaxtı bəlli oldi 17 Sentyabr 2019, 15:44 Qaxda QƏZA - 3 nəfər yaralandı 17 Sentyabr 2019, 15:41 Zöhrə Abdullayeva tanınmaz halda - Dostları onu səhnəyə qayıtmağa çağırdılar - FOTO 17 Sentyabr 2019, 15:33 Komitə sədrindən ödənişli təhsil alanlara ŞAD XƏBƏR: Yeni qanun layihəsi hazırlanır 17 Sentyabr 2019, 15:27 Rövşən Rzayev 30-dan çox köçkünü qəbul etdi 17 Sentyabr 2019, 15:20 “Qanlı yer adlarımız” silsiləsindən: İki qardaşın asılmağı... - I YAZI 17 Sentyabr 2019, 15:13 Oyuncağa dönən mitinq məsələsi... 17 Sentyabr 2019, 14:56 Bu il Azərbaycana gələn turistlərin sayı AÇIQLANDI - 66 faizi kişilərdir 17 Sentyabr 2019, 14:56 Ceyhun Bayramov  Basqalda orta məktəbinin AÇILIŞINDA 17 Sentyabr 2019, 14:36 Niyazi Bayramov Edvard Karvardini qəbul edib 17 Sentyabr 2019, 14:20 Ordumuzun təlimləri davam edir - VİDEO 17 Sentyabr 2019, 14:17 Bakıda Həştərxan İşgüzar Mərkəzi açılacaq 17 Sentyabr 2019, 14:13 ŞAH MAT Teatrı “Qodonun intizarında”... 17 Sentyabr 2019, 14:11 Bakı Uşaq Teatrı yeni mövsümə başlayır 17 Sentyabr 2019, 13:47 Mədəniyyət komitəsi 11 qanun layihəsini müzakirəyə çıxardı 17 Sentyabr 2019, 13:33 İlham Əliyev gürcü naziri qəbul edib 17 Sentyabr 2019, 13:25 Bakıdakı açılış dünyanın gözünü Azərbaycana YÖNƏLDİB 17 Sentyabr 2019, 13:18 Kulis.az-dan şeir MÜSABİQƏSİ - 1000 manat mükafat 17 Sentyabr 2019, 13:11 UNEC-in ikili diplom proqramlarının sərgisi keçiriləcək 17 Sentyabr 2019, 13:07 Sabahın HAVASI: 32 dərəcə isti olacaq 17 Sentyabr 2019, 13:05 9 yaşlı uşağı vurub öldürən sürücü tutuldu 17 Sentyabr 2019, 12:56 Komitə sədri büdcədən mədəniyyət sahəsinə ayırmaların artırılmasını istədi 17 Sentyabr 2019, 12:56 Bakı Mətbuat Klubunun saytı açıldı, özü də açılacaq - TƏQDİMAT 17 Sentyabr 2019, 12:49 Sərnişinlə dolu yük maşını uçuruma yuvarlandı: 20 ölü 17 Sentyabr 2019, 12:47 “Başımın üstündə qurğuşun əritdi, bədənimə dağ basdı” - Çildağdan REPORTAJ 17 Sentyabr 2019, 12:36 Onlar nə əxlaqsızdılar, nə dəli, nə bisavad... 17 Sentyabr 2019, 12:26 Kirayə evlər ucuzlaşacaq 17 Sentyabr 2019, 12:21 Ödənişli əsaslarla oxuyan gənclərə böyük dəstək! 17 Sentyabr 2019, 12:13 Azərbaycan güləşçisi Tokio Olimpiadasına lisenziya qazandı 17 Sentyabr 2019, 12:09 Nazirlərin görüşü ərəfəsində Yerevan provakativ addımlar atır 17 Sentyabr 2019, 11:58 Azərbaycan Radiosunda Bədii Şura yaradıldı - SİYAHI 17 Sentyabr 2019, 11:50