Gürcüstanın birləşmiş müxalifəti ötən gün keçirilmiş prezident seçkilərinin ikinci turunun nəticələrini tanımadığını bildirib.
Modern.az-ın “Report”a istinadən verdiyi xəbərə görə, bu barədə Vahid Milli Hərəkat Partiyasının prezidentliyə namizədi olan Qriqol VaşadzeTbilisidə Filarmoniya binasında tərəfdarları ilə keçirdiyi görüşdə deyib.
O, birləşmiş müxalifətin ölkədə növbədənkənar parlament seçkilərinin keçirilməsini tələb etdiyini bildirib.
Q.Vaşadze bu həftənin bazar günü Rustaveli prospektində eyni tələblə kütləvi dinc aksiyanın keçiriləcəyini elan edib.
Qeyd edək ki, prezident seçkilərinin ikinci turunda Salome Zurabişvili 59,52%, Qirqol Vaşadze isə 40,48% səs əldə edib.
