Modern.az

“Edam günü” bədii filmi İspanyada uğur qazanıb

“Edam günü” bədii filmi İspanyada uğur qazanıb

11 Yanvar 2019, 16:34

“Edam günü” tammetrajlı bədii filmi Capital Filmmakers Festival – Madrid Film Festivalında nominasiya alıb  

Bu barədə Modern.az-a filmin ssenari müəllifi və baş prodüseri Cəlaləddin Qasımov məlumat verib. O bildirib ki, ekran əsərinə yaxın vaxtlarda geniş tamaşaçı kütləsinin baxmaq imkanı olacaq: “Biz filmin tam fərqli yayım siyasətini qurmağa çalışdıq. “Edam günü” psixoloji trillerində hadisələr sovet dövrünün son illərində həbsxanada cərəyan edir. Mən həbsxana mövzusuna iki əks qütbdə ziddiyyətli kontekstdən baxaraq orijinal yanaşma təqdim etmişəm”.

C.Qasımov deyib ki, bu filmin çəkilməsinin əsas məqsədi bütün gənclərin içərisindəki istedadı üzə çıxarmaq, onların qabiliyyətini geniş kütləyə göstərməkdir. “Ekran əsərində məhkum olunmuş bir dustağın kamerada yaşadığı həyəcanlı anlar əks olunub. Filmin ssenarisini yazarkən Bayıl həbsxanasında keçmiş sovet dövründə işləmiş işçilərlə görüşüb maraqlı məlumatlar toplamışam”, - deyə ssenari müəllifi bildirib.

Filmdə baş rollarda Rövşən Kərimduxt, Sabir Məmmədov, Məmməd Əliyev, Nazil Ağalarov, Ramin Şıxəliyev, Soltan Qasımov, Hikmət Məmmədov, Vüqar Qurbanov və digərləri çəkiliblər. Filmin quruluşçu operatoru Mehdi Yaqubovdur. “SPP Production” tərəfindən istehsal edilən ekran əsərinin xronometrajı 95 dəqiqədir.

Film son beş ayda film 8 beynəlxalq festivalın qalibi oldu. ABŞ-da “Los Angeles CineFest”in, “Hollywood Screenings” Film Festivalında Capital Filmmakers Festival – Madrid  Böyük Britaniyada “Slumberjack” film festivalının və İspaniyanın Barselona şəhərində “Planet” film festivalının mükafatçısı olub.

Youtube
Kanalımıza abunə olmağı unutmayın!
Keçid et
Ukraynadan Rusiyaya ardıcıl zərbələr: Vəziyyət kritikdir