Gəncədə ər və arvad döyülüb.
Modern.az-ın "Qafqazinfo”ya istinadən verdiyi məlumata görə şəhər sakini, 1981-ci il təvəllüdlü Əsgərova Nərifə və onun həyat yoldaşı müxtəlif bədən xəsarətləri ilə xəstəxanaya yerləşdiriliblər.
Onlara tibbi yardım göstərilib. Qadının vəziyyəti kafi, kişinin vəziyyəti isə normal qiymətləndirilir.
Qadının verdiyi ilkin ifadəyə görə, hadisə ailə münaqişəsi zəminində baş verib. Belə ki, onun həyat yoldaşının qohumları onları evdən çıxarmaq istəyiblər və bu səbəbdən döyülüblər.
Faktla bağlı hüquq mühafizə orqanların əməkdaşları tərəfindən araşdırma aparılır.
