Türkiyənin Hatay vilayətinin Altınözü rayonunda ikimərtəbəli yaşayış binasında baş vermiş partlayış nəticəsində 2 nəfərin öldüyü, 6 nəfərin yaralandığı bildirilir.
AzərTAc xəbər verir ki, hadisə yerinə təcili tibbi yardım briqadası və xilasedicilər cəlb olunub. Axtarış-xilasetmə işləri nəticəsində uçmuş binanın qalıqları altından 2 nəfərin cəsədi çıxarılıb. Yaralanan 6 nəfər isə yerli xəstəxanaya çatdırılıb. Onlardan ikisinin vəziyyətinin ağır odluğu bildirilir.
Hadisə yerinə gələn rayon prokuroru və polis tərəfindən qəzanın səbəblərinin araşdırılması ilə bağlı təhqiqat başlanılıb.
