Modern.az

 “DYP cərimələməkdən doymur” iddiasına yol polisindən CAVAB

 “DYP cərimələməkdən doymur” iddiasına yol polisindən CAVAB

Aktual

11 Fevral 2019, 17:27

İnternet portallardan birində “DYP cərimələməkdən doymur – 85 milyonu keçdi…” başlıqlı məqalədə Dövlət Statistika Komitəsinin məlumatlarına istinad edilərək Azərbaycanda maşını olanların 1.712.000 dəfə cərimələndiyi, yəni 2018-ci ildə ölkədə az qala maşın sürən hər kəsin cərimə ödədiyi bildirilib.

 

Baş Dövlət Yol Polisi İdarəsindən Modern.az-a verilən məlumatda bildirilib ki, məqalə müəllifi nədənsə bu cərimə məbləğinin qarşılığında neçə insan həyatının xilas olunması, əhalinin sağlamlığına, əmlakına dəyən zərərin qarşısının alınması kimi daha vacib məsələlərə toxunmayıb.

 

“Görünür  son vaxtlar yol hərəkəti sahəsi daha aktual, oxuculara daha çox maraqlı olduğundan hər kəs mütəxəssislərlə, heç olmazsa bu sahənin müstəqil ekspertləri ilə məsləhətləşmədən sensasiya yaratmaq niyyəti ilə belə məqalələr yazırlar.

 

Məlumat üçün bildirək ki, bəli həqiqətən də 2018-ci ərzində 3.409.698 yol hərəkəti qaydaları əleyhinə olan inzibati xəta aşkar edilib və bunların 65%-i, yəni 2,2 milyondan çoxu YPX əməkdaşının bilavasitə iştirakı olmadan, xüsusi texniki vasitələrin köməyi ilə qeydə alınıb”-deyə məlumatda qeyd olunub.

 

Bildirilib ki,  bu qədər qayda pozuntularına yol verilmə hallarının mövcudluğu yol hərəkəti təhlükəsizliyinə nəzarəti həyata keçirən dövlət orqani kimi DİN-in Baş DYP İdarəsi olaraq bizi də narahat edir. Lakin nəzərə almaq lazımdır ki, bu aşkarlamanın hesabına respublikada ilbəil nəqliyyat vasitələri sayının artmasına baxmayaraq yol-nəqliyyat hadisələrinin, qazada ölən və yaralananların sayı azalır.

 

“O ki, qaldı hər sürücü başına hesablanan cərimə məbləğinə, bu yanaşmanın özü düzgün deyil. Çünki, elə intizamsız sürücü var ki, hər il dəfələrlə qayda pozuntusuna yol verib bir neçə dəfə qəza törədir, elə sürücü də var ki, mütəmadi avtomobil idarə etməsinə baxmayaraq bir dəfə də olsun yol hərəkəti qaydasını pozmur və cərimə ödəmək məcburiyyətində qalmır. Yəni cərimə gündəlik tələbat məhsulu deyil ki, hər kəs onu ödəmək məcburiyyətində olsun. Cərimə, inzibati tənbeh növlərindən biri olaraq məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır”.

Youtube
Kanalımıza abunə olmağı unutmayın!
Keçid et
Ukraynadan Rusiyaya ardıcıl zərbələr: Vəziyyət kritikdir