Arxiv
19 mart 2019, 08:26 | QARABAĞ
Jurnalistlər Qarabağ məsələsinin həll yolunu necə görürlər?..  

Artıq 30 ildən çoxdur ki, Azərbaycanla Ermənistan arasında münaqişə davam edir. 1988-ci ildən başlayan Qarabağ problemi acı bağırsaq kimi uzanır. İllərdir bu münaqişənin həlli yolu ilə bağlı danışıqlar aparılsa da, hələ ki vəziyyət dəyişməz olaraq qalıb.  Hələ də torpaqlarımız işğal altındadır. Zaman-zaman Qarabağın işğaldan azad olunma yolu barədə fərqli mülahizələr səsləndirilir. Bəs jurnalistlər hansı yolu təklif edirlər?

İşğal olunmuş bölgələrdən olan jurnalistlər bu mövzuda Modern.az-a danışıblar.

 

Füzulidən olan jurnalist, Musavat.com-un redaktoru Xalid Kazımlı bildirib ki, Qarabağın işğaldan azad olunmasının iki yolu var:

“Biri sürətli hərbi həmlədir. Azərbaycan Ordusu qəti hücuma keçib qısa müddətli müharibə ilə torpaqları işğaldan azad etməlidir. İkinci yol isə heç də danışıqlar, sülh yolu-filan deyil. O da uzun çəkən hərb yoludur. Azərbaycan Ermənistanı daimi təzyiq altında, blokada da saxlamalıdır, vaxtaşırı lokal döyüşlərdən istifadə etməlidir, onunla iqtisadi müstəvidədə amansız müharibə aparmalıdır - ta o vaxta qədər ki, Ermənistan Qarabağı işğal altında saxlamağın faydasızlığını, zərərli olduğunu anlasın. Başqa yol varsa da, mən görmürəm. Çünki ermənilər yalnız gücdən anlayan qövmdür. Özlərini güclü saydıqları vaxt onlar heç cür güzəştə getməyəcəklər”.

 

Cəbrayıldan olan müstəqil jurnalist Seymur Verdizadnin sözlərinə görə, hansı yolla olursa olsun, Qarabağın işğaldan azad olunması zəruridir: 

“Hazırda Azərbaycan hakimiyyəti Qarabağı diplomatik yolla azad etməyi qarşısına məqsəd qoyub. Amma danışıqlar prosesi çox uzanıb, bir məcburu köçkün, jurnalist kimi bu məsələ məni narahat edir. Sözsüz ki, mən bir valideyn, ziyalı kimi müharibənin tərəfdarı deyiləm. Müharibə görmüş biri kimi deyə bilərəm ki, müharibə fəlakətdir. Əgər ermənilər bu məsələnin diplomatik səviyyədə həll olmasını istəməsələr, müharibə qaçılmaz olacaq. İstənilən halda Azərbaycan xalqı torpaqların işğal altında qalması ilə barışmamalıdır. Buna təbii ki, Azərbaycanın siyasi hakimiyyəti qərar verəcək. Mən xalqın bir nümayəndəsi kimi deyə bilərəm ki, insanlarımız torpaqlarımızın müharibə yolu ilə azad olunması fikrinə köklənib. Torpaqların müharibə yolu ilə həll olunması ilə bağlı qərar verilsə, hamı bir nəfər kimi əlinə silah alıb vətənin müdafiəsinə qalxacaq. Əgər ermənilər diplomatik yolla bu məsələnin həllinə razı deyillərsə, biz müharibə yolu ilə torpaqlarımızı azad etməliyik”.

 

Zəngilandan olan jurnalist, Avtosfer.az saytının baş redaktoru Elməddin Muradlı deyib ki, Qarabağ məsələsi çox həssas mövzudur:

“İllər ərzində gördüklərimiz, dərk etdiklərimiz onu göstərdi ki, Qarabağ məsələsinin həlli  müharibədən keçən bir yoldur.  Qanla, döyüşlə işğal olunmuş torpaqlar bizə hədiyyə verilməyəcək. Aprel döyüşlərində görüldü ki, Azərbaycanın döyüş əzmi yüksəkdir. Bir qığılcım yetər ki, xalq olaraq birləşib düşmənin başını əzək. Mən bunu gördüm, hiss elədim. Biz torpaqlarımızı müharibə yolu ilə azad edə bilərik, sadəcə, bunun üçün gecikmək lazım deyil, üzərindən çox vaxt keçib, getdikcə soyuqluq yaranır. Bugünki nəsil üçün bu məsələ aktualdır. Amma indi böyüyən uşaqlar üçün bu məsələ bizim qədər önəmli olmayacaq. Biz o torpaqlarda böyümüşük, yaşamışıq, görmüşük, müharibənin şahidi olmuşuq. Bunun üçün biz təbliğat işlərini artırmalıyıq ki, yeni nəsil də bu məsələlərdən məlumatlı olsun. Böyük işlər görülməlidirki, insanlarda ruh yaransın. Mənim kəndimi görməyən övladlarımda tam təsəvvür yarana bilmir. Sadəcə bilirlər ki, əsilləri Zəngilandandır, oranın necə bir yer olduğunu ancaq bizim dilimizdən eşidirlər”.

 

Laçınlı jurnalist, “Report”un redaktoru İmdad Əlizadə deyib ki, Qarabağın işğalı Ermənistanın havadarlarının və erməni kilsəsinin bir neçə əsrlik planının tərkib hissəsidir:

“Onlar bir neçə əsr boyunca bu planı həyata keçirməyə çalışıblar. Təəssüf ki, 1988-ci ildən başlayan Qarabağ müharibəsində bu planlarını həyata keçirə biliblər. İndi isə biz çalışırıq ki, ermənilərin bir neçə əsrlik planını danışıqlar yolu ilə ləğv edək. Amma bu real deyil. Bununla bağlı saatlarla danışmaq mümkündür. Ermənistanda kimin hakimiyyətdə olmasından asılı olmayaraq, heç bir siyasi qüvvə danışıqlar yolu ilə Qarabağ probleminin həllinə razı olmayacaq. Biz bu məsələni ancaq müharibə yolu ilə həll etməliyik”.

 

Müstəqil jurnalist Ceyhun Musaoğlu bildirib ki, o, öz yurdunun, torpağının azadlığını istəyir:

“Hökumətimiz, dövlətimiz yəqin ki, torpaqlarımızı işğaldan azad etməyin bir yolunu tapacaq. Bu yolla da biz  torpaqlarımıza qayıdacağıq. Amma ümumi şəkildə iki yol var sülh və müharibə. Amma mənim fikrimcə, sülhə çatmaq üçün də müharibə yolunu keçmək lazımdır. Biz gərək işğal olunmuş torpaqları azadlığa çıxardaq ki, sonra orada sülhü bərqərar edək.  Bizim işğal altında olan torpaqlarımızda yaşayan ermənilər acınacaqlı həyat sürürlər.  Torpaqlarımızda yaşayan ermənilər bilməlidirlər ki, onlar Azərbaycan vətəndaşı olsalar, daha yaxşı yaşayacaqlar. Mən belə düşünürəm ki, biz torpaqlarımızı alıb, sülh gətirməliyik”.  

BU KATEQORİYADAN OLAN DİGƏR XƏBƏRLƏR
+ Arxiv
Erməni terror təşkilatlarının 49 ildə qətlə yetirdikləri türk diplomatlar - SİYAHI 22 Oktyabr 2019, 19:44 60 yaşlı kişini maşın vurdu - Baş Dövlət Yol Polisi İdarəsinin qarşısında 22 Oktyabr 2019, 19:33 Əlahiddə Ümumqoşun Orduda yoxlama aparıldı 22 Oktyabr 2019, 19:06 Fermerlər Şurasına yeni üzvlər qəbul olundu 22 Oktyabr 2019, 18:57 Rusiya və Belarus İttifaq Dövlətinin İctimai Palatasının üzvündən İlham Əliyevə MƏKTUB   22 Oktyabr 2019, 18:49 “Kəllə qənd”ə mənşəyi bəlli olmayan maddə vururdular - REYD 22 Oktyabr 2019, 18:40 Tbilisidə “Beynəlxalq Transxəzər Nəqliyyat Marşrutu” ilə bağlı müzakirə aparıldı 22 Oktyabr 2019, 18:27 Ermənistanın zəif, Azərbaycanın güclü iqtisadiyyatı: Təhlilin NƏTİCƏLƏRİ 22 Oktyabr 2019, 18:19 Azərbaycan Teatr Xadimləri İttifaqının XIV konfransı keçirilib 22 Oktyabr 2019, 18:11 Qənirə Paşayevadan ÇAĞIRIŞ 22 Oktyabr 2019, 18:00 Qoşulmama Hərəkatı ölkələrin gənc liderlərinin Bakı Forumu başladı 22 Oktyabr 2019, 17:52 Prezident yeni Baş Nazir müavinini qəbuluna ÇAĞIRDI 22 Oktyabr 2019, 17:42 Azərbaycanda keçirilən Qoşulmama Hərəkatı nədir? - VİDEO 22 Oktyabr 2019, 17:42 Dövlət Xidmətinin 5 regional idarəsi yaradıldı 22 Oktyabr 2019, 17:38 Sabahın məzənnəsi açıqlandı... 22 Oktyabr 2019, 17:35 Rövşən Rzayev 40-dan çox vətəndaşı dinlədi 22 Oktyabr 2019, 17:20 3 və 4 yaşlı uşaqlar məktəbəqədər təhsilə cəlb edilir 22 Oktyabr 2019, 17:20 Mingəçevir su anbarında reyd keçirildi 22 Oktyabr 2019, 17:14 İlham Əliyevdən yeni SƏRƏNCAM 22 Oktyabr 2019, 17:11 “Azərsu” rəsmiləri vətəndaşları dinlədi 22 Oktyabr 2019, 17:11 İlham Əliyev macarıstanlı həmkarını təbrik etdi 22 Oktyabr 2019, 17:06 Azərbaycan karateçilərindən ETİRAZ: “Dövlətimizə qarşı çıxanların əməllərini pisləyirik” 22 Oktyabr 2019, 17:03 Mir Şahin Yardımlıdan Perinbel kəndinə yol çəkdiribmiş - VİDEO 22 Oktyabr 2019, 17:00 Prezident daha bir sərəncam İMZALADI 22 Oktyabr 2019, 16:40 Baş Nazirin yeni müavini Şahin Mustafayev kimdir? - DOSYE 22 Oktyabr 2019, 16:36 Universitetlər imkansız tələbələrə hansı güzəştləri edir? - “Tərcümeyi-halına baxıb...” 22 Oktyabr 2019, 16:34 Şahin Mustafayev İqtisadiyyat naziri vəzifəsindən çıxarıldı, yeni posta gətirildi 22 Oktyabr 2019, 16:29 Vilayət Eyvazov 45 polis leytenantını işə təyin etdi 22 Oktyabr 2019, 16:22 Milli Məclisdə diaspor müzakirəsi: “Keyfiyyətcə yeni işlər görülür” 22 Oktyabr 2019, 16:17 İlham Əliyev Putinə başsağlığı verdi 22 Oktyabr 2019, 16:11 Türk ordusu terrorçuların bölgədən çıxışını təqib edir 22 Oktyabr 2019, 15:57 Ərdoğan bu gün Putinlə nədən danışdı… 22 Oktyabr 2019, 15:56 Bakı Mühəndislik Universitetində BDU-nun yubileyi qeyd olunub 22 Oktyabr 2019, 15:50 Dövlət Komitəsinin sədri TRT AVAZ-ın qonağı olub - VİDEO 22 Oktyabr 2019, 15:40 Daha bir universitetdə maaşlar artırıldı 22 Oktyabr 2019, 15:29