Türkiyədə Van-Hakkari yolunun Gözəldərə bölgəsində qar uçqunu baş verib.
Modern.az xarici mediaya istinadən xəbər verir ki, uçqun nəticəsində bəzi avtomobillər qarın altında qalıb.
Həmin yol 60-cı kilometrdən etibarən nəqliyyatın hərəkətinə bağlanıb.
Əraziyə çox sayda xilasetmə, jandarma və təcili-tibbi yardım dəstələri göndərilib. Nəqliyyat vasitələri irəliləyə bilmədiyi üçün xilasedicilər piyada hərəkət edir. Artıq yolda çarəsiz vəziyyətdə qalmış 3 qadın xilas edilərək Van xəstəxanasına çatdırılıb.