Arxiv
31 mart 2019, 13:46 | MEDİA
Bizimkilər - Şəhid qızı: “Arzum atamın adını yaşatmaq, onun adı ilə tanınmaq idi” - MÜSAHİBƏ

Modern.az saytında “Bizimkilər” rubrikasına davam edirik. Bu rubrikada özümüzünkülərdən - jurnalist həmkarlarımızdan yazır, onları oxucularla daha yaxından tanış edirik. Rubrikamızın növbəti qonağı Xəzər TV-nin əməkdaşı Günel Şahmalıqızıdır.

 

Günel Şahmaılıqızı 1982-ci il mayın 4-də Şuşa şəhərində anadan olub. 1988-ci ildə Şuşa şəhər H.Hacıyev adına 4 nömrəli orta məktəbə gedib. 2000-ci ildə Elm və Təhsil Mərkəzi “Təfəkkür” Universitetinin Jurnalistika fakültəsinə daxil olub. Tələbəlik illərində İnterniyus Azərbaycan İctimai Birliyinin media layihələrində çalışıb. Peşəkar jurnalist kimi isə 2005-ci ildən fəaliyyətə başlayıb. İlk olaraq ATV telekanalında müxbir sonra isə AzTV, Lider TV və İTV-nin Xəbərlər proqramında müxbir işləyib. 14 ildir ki, bu sahədə çalışır. Bu illər ərzində müxtəlif media layihələr və seminarlarda iştirak edib. Hazırda Xəzər TV-nin “Xəzər Aktual” İctimai Siyasi verilişində redaktor vəzifəsində çalışır. Ailədə 3 bacı, 1 qardaşdılar, atası Alıyev Şahmalı 1992-ci il mayın 8-də Şuşa şəhərinin müdafiəsi uğrunda da gedən döyüşlərdə şəhid olub. 

 

- Necə oldu ki, yolunuz jurnalistikaya düşdü?

 

- Atam ixtisasca filoloq olub. Müəllim övladı olsam da özümü heç vaxt müəllim, həkim və digər sahələrdə görməmişəm. Televiziyaya təsadüfən gəlməmişəm. Uşaqlıqdan bu sahəyə marağım olub. Orta məktəb illərindən, təxmini 1997-1998-ci illərdə AzTV-nin müxtəlif verilişlərində iştirak edirdim. Hətta uşaq yaşlarımdan AzTV-nin Xəbərlər proqramını maraqla izləyirdim. Anam jurnalist olmaq arzumu biləndə etiraz etdi. Daha bir arzum da atamın adını yaşatmaq, onun adı ilə tanınmaq idi. Atamla bağlı çox az anlarım var. Çünki 10 yaşımda itirdim atamı. Amma o həmişə mənim yanımdadır. Onunla bağlı hərşey o qədər təzədir ki, ona görə keçmiş zamanda onun haqqında danışmaq, xatırlamaq belə çətindir. O, mənim üçün həm də bir qəhrəmandır, torpağını canından çox sevən və uğrunda şəhid olan qəhrəman.

 

- Uğur qazanmaq üçün nələrə diqqət edirsiniz?

 

- Dahi filosof Sokrat deyir ki, “Nə vaxt ki, sən uğur qazanmağı hava istədiyin qədər istəsən onda onu əldə edəcəksən”. Mənə elə gəlir ki, insan ümidsizlik məqamında uğur axtarmır. Amma uğuru hər məqamda axtarmaq lazımdır. İnsan bir şeyi edə biləcəyinə inanansa mütləq ona nail olacaq. Yəni məqsədə və uğura nail olmaq üçün güclü arzu olmalıdır. Çünki uğur, məqsəd bəzən də güclü bir arzudan doğur. Fərqi yoxdur kişi ya qadın bir işin yaxşı nəticəsini görmək üçün o işə sevgi ilə başlamaq lazımdır. Düşünürəm ki, digər insanlardan fərqli və bir addım öndə olmaq da uğurdur. Bütün çətinliklər möhkəm iradə və sevgiyə məğlub olur. 

 

- Televiziya , jurnalistika sizin üçün nədir?  

 

- Jurnalistikanı daha çox xeyirxahlıq, imkan kimi dərk etmişəm. İnsanların problemini işıqlandırmaq, həllinə dəstək olmaq imkanı. Həmişə şəxsi  maraqlarımı işimdən kənar tutmuşam. Jurnalistikada müəllimlərim  Şirməmməd Hüseynov, Famil Mehdi, Nəsir Əhmədli, Mahmud Mahmud, Cahangir Məmmədli, Akif Rüstəmov, Əli Hacıyev kimi görkəmli insanlar olub. Onlar bizə jurnalistikanı və necə jurnalist olmağı öyrədib.

 

- Dostlarınız daha çox hansı sahədədir?

 

- Müxtəlif sahələrdə dostlarım var. Jurnalistika mənə çoxlu dostlar qazandırıb. Mehriban münasibətdə olduğum insanlar da çoxdur. Amma çoxları elə bilir ki, onlar mənim yaxın dostumdur. Mehriban münasibətlə dostluq ayrı-ayrıdır. Dost illərin sınağından çıxmalıdır. Etibar etdiyim, güvəndiyim, çətin anımda yanımda olacaq dostlarım var.

 

- Nə zamansa jurnalistikadan ayrılmağı düşünürsünüz?

 

- Mənim üçün hər şeydən çətin TV-dən ayrılmaqdır. Çünki TV-yə heç kimin dəstəyi olmadan gəlmişəm. Dünya mərhəmətlilərdən və xeyirxahlardan ibarət deyil. 14 ildə TV-də çox insanlar haqsızlıq görmüşəm amma ruhdan düşməmişəm. İllərimi əziyyətlə qazanmışam, bəlkə də bu əziyyətə görə peşəmdən ayrılmaq istəmirəm. Dəfələrlə peşəmi dəyişmək imkanım olub. Müxtəlif qurumlardan yaxşı təkliflər almışam. Amma TV-ni heç vaxt itirmək istəməmişəm. Televiziya, jurnalistika bağrıma sıxdığım, xoşbəxt olduğum, rahatlıq tapdığım digər sevgilərim qədər mənə qiymətlidir. 

 

- Öz hazırladığınız reportajlara baxanda hansı məqamlar diqqətinizi çəkir? 

 

- Həmişə hazırladığım reportajlarda səhvlərimi axtarıram. Çalışıram ki, reportajda burda niyə bunu etmədim sualı qalmasın. Mütəmadi olaraq amerikalı və rusiyalı televiziya mütəxəsislərinin təlimlərində iştirak etmişəm. Çalışıram öyrəndiklərimi öz işimdə də tətbiq edim. Əgər işimi daha yaxşı edə bilərəmsə edirəm. Yox əgər bacarmasaydım TV-ni sevdiyim üçün TV-də gedərdim.

 

- Xasiyyətiniz necədir? 

 

- İnsanlıq olmayan yerdə yoxam. Çalışıram pisə də pis deməyim. Çünki insan olsa zamanında başa düşəcək. Pisliklə yaşamaq, insanlığını itirmək hər şeyini itirməkdir. Bir dəfə siyasətçilərdən biri ilə söhbət əsnasında niyə insanlara bu qədər kömək edirsiniz sualına cavabı belə oldu: ”Mənə elə torpaq göstər ki, orada məzarlıq olmasın. Hamımız bu dünyadan gedəcəyik. Qoy etdiyimiz yaxşılıqlar özümüzdən sonra qalsın”.Yaxşı olmaq üçün pislikdən uzaq durmaq lazımdır. Bu da bir az insan olmaq üçün kifayətdir.

 

- Jurnalistika sizə nələri qazandırıb?

 

- Jurnalistika mənə etmək istədiklərimi etmək imkanı qazandırıb. Jurnalistika heç nəyə təəccüblənməməyi öyrətdiyi qədər də biganə qalmamağı da öyrədir. İllərim mənə yaxşı dostlar qazandırıb. Jurnalistika insanı tez böyüdür. Düşüncə tərzim, həyata baxışım, dünyagörüşüm daha tez formalaşıb.

 

BU KATEQORİYADAN OLAN DİGƏR XƏBƏRLƏR
+ Arxiv
Paşinyan “Qarabağ klanı”na son zərbəni endirməyə hazırlaşır 17 Avqust 2019, 14:57 Narkotik satışı ilə məşğul olan şəxs saxlanılıb 17 Avqust 2019, 14:53 Bakıda magistralda avtomobil yanır, tıxac var 17 Avqust 2019, 14:42 Gömrükdən keçən avtomobildə qanunsuz mobil telefonlar aşkarlanıb 17 Avqust 2019, 14:31 Xocəsən poçt şöbəsində hücum – yaralanan var 17 Avqust 2019, 14:16 Polisdən AÇIQLAMA: Nəzarətsiz uşaqların oğurlanması halları var 17 Avqust 2019, 13:54 Sentyabrda kirayə evlər bahaşacaq 17 Avqust 2019, 13:31 Nazirlik əlilliyi olan şəxslərlə bağlı proqrama start verdi 17 Avqust 2019, 13:28 Oğuzda mübahisə qətllə nəticələnib 17 Avqust 2019, 13:16 "28 may" stansiyasında istifadəsi dayandırılan eskalatorda təftiş yekunlaşıb 17 Avqust 2019, 12:55 Bakıda antisanitar şəraitdə süd məhsulları hazırlayan sex aşkarlandı - FOTOLAR 17 Avqust 2019, 12:44 Nepal Everesti fəth etmək üçün tələbləri sərtləşdirir 17 Avqust 2019, 12:24 MTN eyni silahlarla həm sabiq naziri, həm də jurnalisti şərləyib - Vəkil yeni sirlər açdı - II YAZI 17 Avqust 2019, 12:14 Bakıda baş verən qəzada 8 yaşlı uşaq ölüb 17 Avqust 2019, 12:01 Reyxstaqa qədər döyüşən aktyor - Hüseynağa Sadıqovun ömrü boyu unutmadığı dəhşətli EPİZOD 17 Avqust 2019, 11:55 Kamerun, Nigeriya və Konqonun qadın siyasətçiləri Qarabağ haqda məlumatlandı 17 Avqust 2019, 11:53 Sabah 40 dərəcə isti olacaq 17 Avqust 2019, 11:42 Mehmanxana yandı, 8 nəfər can verdi 17 Avqust 2019, 11:39 Tramp bank rəhbərlərini təcili iclasa çağırdı 17 Avqust 2019, 11:21 “Əhali bilsin ki, 40 manatdan baha bal olmur” – Arıçı təbii balın sirlərini AÇDI 17 Avqust 2019, 11:02 Nikah müayinələri hansı xəstəlikləri üzə çıxarıb? - STATİSTİKA 17 Avqust 2019, 10:52 Avtobusun uçuruma düşməsi nəticəsində 7 nəfər ölüb 17 Avqust 2019, 10:35 Polis dövlətin ən etibarlı dayağıdır 17 Avqust 2019, 10:31 İstanbulda partlayışda ölən var 17 Avqust 2019, 10:11 Göyçay, Ucar və Zərdabda qaz olmayacaq 17 Avqust 2019, 09:52 Ermənilər cəbhədə snayperləri işə saldı 17 Avqust 2019, 09:33 İstirahət günlərinin havası AÇIQLANDI 17 Avqust 2019, 09:15 İldırım 5 nəfərin həyatına son qoydu 17 Avqust 2019, 09:06 Qarabağın azərbaycanlı icmasının səsi necə eşidilir? - Üç deputatın MÖVQEYİ 17 Avqust 2019, 08:58 Almaniyada hərbi tərcüməçi İrana işləyirmiş 17 Avqust 2019, 00:48 Sabiq prezidentin xanımına cinayət işi açıldı 17 Avqust 2019, 00:26 Peterburq bazarında azərbaycanlılarla atışma olub 17 Avqust 2019, 00:07 Taliban liderinin qardaşı öldürüldü 16 Avqust 2019, 23:47 Azərbaycan nefti ucuzlaşıb 16 Avqust 2019, 23:31 70-ci illərin məşhur maşınları - FOTOLAR 16 Avqust 2019, 23:16