Aprelin 10-da 67 saylı Cəlilabad şəhər seçki dairəsindən seçilmiş deputat Malik Həsənov rayonun Maşlıq kəndində seçicilər ilə görüş keçirib.
Modern.az xəbər verir ki, görüşdə ətraf kəndlərdən Muğan,Kazımabad və Söyüdlü kənd sakinləri də iştirak edib. Görüşdə qaldırılan məsələlərdən kartof ixracına qoyulmuş rüsumla əlaqədar məsələlər, kənddaxili yollara çınqıl döşənməsi, elektrik dirəklərinin yeniləri ilə əvəz olunması və sair məsələlər olub. Müraciətlərdən bəziləri öz həllini yerindəcə tapıb, bəziləri aidiyyatı qurumlara icra olunması üçün tapşırılıb, bəziləri isə nəzarətə götürülüb.
