Aprelin 29-da İstanbulda “Türk xalqlarının iqtisadi zirvə toplantısı 2019” keçiriləcək. Modern.az xəbər verir ki, Türk Xalqları Şurasının rəhbəri Mahmud Oralın ONA-ya verdiyi məlumata görə, dünyadakı iqtisadi proseslər Türk dünyasına da təsir edir.
Zirvə toplantısında da məqsəd müstəqil türk dövlətlərindəki böyük investisiya şirkətlərinin və aidiyyatı dövlət qurumlarını rəsmilərinin bir araya gələrək durumu dəyərləndirməsi və problemin birgə həllinə nail olmaqdır.
M. Oral bildirib ki, iş adamlarına müstəqil Türk dövlətləri və Balkan ölkələrinin potensialları haqqında da məlumat veriləcək: “Bu addımın da Türk birliyinə böyük qatqısı olacağını düşünürük”.
