Arxiv
16 Aprel 2019, 13:36 | MEDİA
XİN təklif etsə, jurnalistlər Ermənistana gedərmi?  

Aprelin 15-də Azərbaycanın və Ermənistanın xarici işlər nazirləri arasında Moskva görüşü keçirildi. Azərbaycan XİN rəhbəri Elmar Məmmədyarovun açıqlamasına görə, danışıqlar faydalı və substantiv olub. 

Nazir görüşün yekun bəyanatında qeyd olunduğu kimi, Azərbaycan və Ermənistan jurnalistlərinin Bakıya, İrəvana və Dağlıq Qarabağa səfərlərinin təşkili məsələsinə toxunub:

“Bu çox maraqlı fikirdir ki, erməni və azərbaycanlı jurnalistlər Yerevana, Bakıya, Dağlıq Qarabağa səfərlər etsinlər”.

Bu açıqlamalardan görünür ki, həm Ermənistan, həm də Azərbaycan tərəfi jurnalistlərin qarşılıqlı səfərlərinə müsbət yanaşır.

Modern.az saytı azərbaycanlı jurnalistlərin də bu məsələ ilə bağlı mövqeyini öyrənib.


Müstəqil jurnalist Azər Rəşidoğlu ona dəfələrlə İrəvana və işğal altında olan Dağlıq Qarabağa səfər eləmək təklifinin edildiyini söyləyib. İlk belə təklifləri alanlardan olan jurnalist hər dəfə imtina etdiyini də gizlətməyib:

“Yenə də imtina edirəm! O vaxt dediklərimi indi də deyirəm - İrəvan və Dağlıq Qarabağa yalnız tankla gedə bilərəm!”.

Ümumi olaraq, bu cür imkanların yaradılmasının düzgün olub-olmamasına gəlincə, A. Rəşidoğlu buna fərqli münasibətlər olduğunu inkar etməyib:

“Kimlərsə bu təklifin lehinədir, anlayışla qarşılayıram. Şəxsən özüm belə səfərlərə getməyəcəm. Nə qədər ki, ciddi uğur əldə etməmişik, belə səfərlərin nəticə verəcəyinə inanmıram. İstərdim ki, İrəvana və işğal altında olan Dağlıq Qarabağa Zakir Həsənov öz əsgərləri ilə getsin”.


“Lent.az”ın redaktoru Səbuhi Məmmədli isə diqqətə çatdırıb ki, əslində zaman-zaman erməni və azərbaycanlı jurnalistlərin qarşılıqlı səfərləri olub:

“Mən özüm, məsələn, bir layihə çərçivəsində Cənubi Osetiyada və Abxaziyada olmuşam. Özü də iki dəfə. Həmin layihələrdə erməni jurnalistlər də iştirak edib. Onlarla müəyyən təmaslarımız, söhbətlərimiz olub. Aralarında daşnak xislətlilərinə də rast gəlmişəm, normal, konstruktiv düşünənlərinə də”.

S.Məmmədli Ermənistanda olmaq istədiyini dilə gətirib:

“Mən Suriya, Pakistan, İraq və Əfqanıstanda olmuşam. Hətta iki gün İraqda təcridxanada da yatmışam. Ermənistan da marağımı çəkən ölkədir. Düşmən ölkəni daha dərindən izləmək maraqlı olardı. Amma təkcə İrəvanın mərkəzini yox, əyalətləri, ucqarları gəzib, sadə insanları dinləmək istəyərdim. Qarabağda, Şuşada olmaq istəyərdim. Amma bir şərtlə, Ermənistandan keçib, getməklə yox, Azərbaycandan – təmas xəttindən keçməklə gedim. Dilqəmlə Şahbazı görmək arzusundayam. Yəni imkan yaradılsa, belə bir səfər mənim üçün çox maraqlı olardı”.

Musavat.com-un redaktoru Xalid Kazımlı da qarşılıqlı səfərlərin əleyhinədir:

“Mən ona görə bu cür səfərlərin təşkilinə qarşıyam ki, müharibə davam edir. İki düşmən və “sürünən müharibə” vəziyyətində olan ölkənin jurnalistlərinin gediş-gəlişi anormal haldır. Burada məqsəd məkrlidir. Bu təşəbbüsün sahibinin niyyəti mövcud durumu dondurmaq, münaqişəni həll etmədən bu cür saxlamaq və tərəflərin bu durumla barışmasını təmin etməkdir. Jurnalistlərin qarşılıqlı səfərlərinin ardınca başqa peşə sahiblərinin gediş-gəlişi də başlayacaq, get-gedə emosiyalar soyuyacaq, qarşılıqlı iltifatlar, dostluqlar yaranacaq və Qarabağ unudulacaq. Qarabağ münaqişəsi ədalətlə həll olunsun, ərazi bütövlüyümüz bərpa olunsun, ondan sonra media qurumlarımız lap Yerevanda müxbir postu saxlasınlar. İndiki zamanda bu, riyakarlıqdan və baş altına yeni balış qoymaqdan başqa bir şey deyil.
İşğal altında olan torpaqlarımıza getməzdim. Bu, mənim üçün travma deməkdir. O torpaqlar işğaldan azad olunanda gedərik. Ermənistana isə səfər etmək olar. Bu, məqbuldur”.
 

Jurnalist Aida Eyvazlı da düşmən ölkəyə getməyə meyilli deyil:


“Tutalım ki, getdim Ermənistana. Axı orada mən düşmənlərlə oturub bir süfrədə çörək yeməliyəm. Onlar duz-çörəyin qədrini bilmirlər. Düşmənlə duz-çörək kəsməzlər. Duz-çörək qədri bilsəydilər, bu günə qədər süfrəmizn artığını yemişdilər, nə oldu? İrəvana o halda gedərəm ki, Ermənistan torpaqlarımızı qaytarsın, bizə vurduqları ziyanı ödəsin, sonra. Amma indi yox!!! Qarı düşmən dost olmaz!”.

BU KATEQORİYADAN OLAN DİGƏR XƏBƏRLƏR
+ Arxiv
"Nəticəyə görə təəssüflənirik" - Baş məşqçi 13 Dekabr 2019, 00:31 "Yeni parlamentdə çoxpartiyalılıq olacağına ümidliyik" - Elçin Ağamalı 13 Dekabr 2019, 00:17 Azərbaycan nefti ucuzlaşır 12 Dekabr 2019, 23:59 “Qarabağ” Avroliqanı qrup üçüncüsü kimi tərk etdi 12 Dekabr 2019, 23:47 Bakının mərkəzində 2 bıçaqlı şəxs insanlara hücum etdi - FOTO, VİDEO 12 Dekabr 2019, 23:41 Ukrayna Prezidenti Azərbaycana gələcək 12 Dekabr 2019, 23:29 ABŞ Senatı erməni soyqırımını tanıdı 12 Dekabr 2019, 22:47 TAP layihəsinin 90,7 faizi reallaşdırılıb 12 Dekabr 2019, 22:42 İmişlidə yük və minik maşını toqquşdu: ölən var 12 Dekabr 2019, 22:30 Elmar Məmmədyarov Latviya prezidenti ilə Qarabağdan danışdı 12 Dekabr 2019, 22:16 Heydər Əliyev Həştərxanda da anılıb - FOTOLAR 12 Dekabr 2019, 21:44 Ankarada şagirdlər Azərbaycan himnini işarət dilində səsləndirdilər - VİDEO 12 Dekabr 2019, 21:39 Latviya Qarabağ münaqişənin sülh yolu ilə həllində Azərbaycanı dəstəkləyir 12 Dekabr 2019, 21:36 Gürcüstanın Baş prokuroru istefa verdi 12 Dekabr 2019, 21:20 Bakı-Məşhəd aviareysi açılır 12 Dekabr 2019, 21:07 Bakıda 102 evə ilk dəfə  təbii qaz verildi 12 Dekabr 2019, 21:04 “Qarabağ” “Düdelanj”a qarşı bu heyətlə oynayacaq 12 Dekabr 2019, 20:51 ABŞ Çinlə ticarət sazişini imzalayır 12 Dekabr 2019, 20:37 Yol polisindən piyadavurmaların qarşısını alacaq YENİLİK - VİDEO 12 Dekabr 2019, 20:20 Bu məhsullar bahalaşdı - SİYAHI 12 Dekabr 2019, 20:10 Abşeronda villa yandı 12 Dekabr 2019, 19:59 Heydər Əliyevin xatirəsi Belqradda anıldı 12 Dekabr 2019, 19:47 Messi “El Klassiko”nu gözləyir 12 Dekabr 2019, 19:33 AŞPA Azərbaycanda keçiriləcək parlament seçkilərini müzakirəyə ÇIXARIR 12 Dekabr 2019, 19:09 UEFA-dan “əsgər salamı” qərarı 12 Dekabr 2019, 18:56 Goranboyda məktəblini maşın vurdu 12 Dekabr 2019, 18:36 Həştərxanın qubernatoru Nərimanovda olub 12 Dekabr 2019, 18:29 102 FM tezliyi üçün sənəd qəbulu başa çatdı - 5 iddiaçı var 12 Dekabr 2019, 18:17 Finlandiyanı qadınlar idarə edəcək - Zərif məxluqlar əsas POSTLARDA 12 Dekabr 2019, 18:03 Elmar Məmmədyarov Latviya Prezidenti ilə görüşüb 12 Dekabr 2019, 17:40 Səhhəti pisləşən xalq artistindən XƏBƏR VAR 12 Dekabr 2019, 17:32 Dollar və manatın sabahkı MƏZƏNNƏSİ 12 Dekabr 2019, 17:29 Bibiheybət yolu nə zaman təmir olunacaq? 12 Dekabr 2019, 17:12 Azərbaycan Dünya Bankının kreditindən imtina edib  12 Dekabr 2019, 17:05 Millimizin sabiq futbolçusu həbs edildi 12 Dekabr 2019, 16:50