Azərbaycan Xalq Cəbhəsi Partiyası (AXCP) sədrinin müavini Fuad Qəhrəmanlının 14 yaşlı qızı Sənaya hücum edən Tural Qarayevin adlı şəxsin YAP üzvü olduğu barədə xəbərlər yayılıb.
Hakim Yeni Azərbaycan Partiyası məsələ ilə bağlı açıqlama yayıb. Partiyadan Modern.az-a verilən məlumatda bildirlib ki, Tural Qarayevin YAP üzvü olması barədə deyilənlər əsassızdır.
Qeyd edək ki, AXCP sədrinin müavini Fuad Qəhrəmanlının qızına küçədə hücum edən Tural Qarayevə 15 sutka inzibati həbs cəzası verilib. Bununla bağlı dünən Yasamal Rayon Məhkəməsində qərar qəbul edilib.
