Arxiv
20 Aprel 2019, 23:37 | AKTUAL
“Akif Çovdarova 3 milyon manat verə biləcəyimi söylədim” - Tağı Əhmədov

Bakı metropolitenini sabiq rəisi Tağı Əhmədovun 3 milyon manatını ələ keçirən sabiq milli təhlükəsizlik naziri Eldar Mahmudovun əmisi oğlu Vüqar Mahmudovun cinayət işi üzrə verdiyi ifadəsi məlum olub.

Modern.az-ın Teleqraf.com-a istinadən verdiyi  məlumata görə, Tağı Əhmədov bildirib ki, Bakı Metropolitenini rəisi vəzifəsindən azad olunduqdan sonra, 2014-cü ilin yaz aylarında əvvəldən tanıdığı Rəsul adlı MTN əməkdaşı ona zəng vurub, Hüseyn Cavid bağında görüşüblər: 

“Rəsul adlı MTN əməkdaşı Akif Çovdarovun məndən nazirliyə çoxsaylı şikayət ərizələrinin daxil olduğunu dedi. Bu şikayətlərin qarşısını almaq, mənim xeyrimə həll etmək üçün müəyyən məbləğdə pul istədiyini bildirdi. Ancaq konkret məbləğ söyləmədi. Rəsula heç kimə hər hansı məbləğdə pul verməyəcəyimi dedim”.

Tağı Əhmədovun sözlərinə görə, Akif Çovdarovun qanunsuz hərəkətləri barədə sabiq milli təhlükəsizlik naziri Eldar Mahmudova məlumat vermək məqsədilə onun iş telefonuna bir neçə dəfə zəng edib və köməkçisi Vüqar Mahmudovla danışıb:

“Özümü Vüqar Mahmudova təqdim etdim, nazirlə danışmaq istədiyimi dedim. Vüqar Mahmudov nazirin məşğul olduğunu söylədi. 5-6 dəfə zəng vurduqdan sonra Vüqar bildirdi ki, nazirlə danışmaq istədiyimi Eldar Mahmudova çatdırıb, nazir də bu məsələni Akif Çovdarova tapşırıb, məsələmi onunla həll etməli olduğumu söyləyib.

Bundan sonra Akif Çovdarovun məndən istədiyi puldan Eldar Mahmudovun da xəbəri olduğunu yəqin etdim”.

Tağı Əhmədov qeyd edib ki, bir neçə gün sonra MTN əməkdaşı Rəsulla yenə H.Cavid parkında görüşüb: “Rəsul Akif Çovdarovun həmin vaxt Xətai rayon Məhkəməsində hakim vəzifəsində işləyən oğlum Rauf Əhmədovu yanına çağırmaq istədiyini bildirdi. Həmin dövrdə bir sıra öyrədilmiş adamlar mətbuatda oğlum haqqında şər-böhtan yazırdılar.

Həmin yazıları Akif Çovdarovun mənə hədə-qorxu gəlmək üçün yazdırdığını düşündüm. Rəsuldan soruşdum ki, Akif Çovdarov oğlumu nə səbəbə nazirliyə çağırmaq istəyir. Rəsul bunun səbəbini bilmədiyini dedi. Yalnız söylədi ki, Akif Çovdarovun sözlərini mənə çatdırır, əlavə etdi ki, Çovdarov Rauf özü nazirliyə gəlməsə, başına torba keçirdərək gətizdirəcəyini bildirib. Ürək xəstəsi olan oğlumun səhhətindən narahat olduğum üçün Akif Çovdarovun məndən nə qədər pul istədiyini soruşdum. Rəsul Akif Çovdarovun 3-5 milyon manat arasında pul istədiyini dedi. Ona 3 milyon manat verə biləcəyimi söylədim.

Rəsuldan ayrıldıqdan sonra evimdə olan 44 illik əmək fəaliyyətim nəticəsində yığdığım həmin məbləğdə pulu düzəltdim. Rəsulla əlaqə saxladım, o da zəng edərək mənə məlumat verəcəyini dedi”.

Tağı Əhmədovun sözlərinə görə, bir müddət sonra Rəsul ona zəng vurub: “2014-cü ilin aprel ayının əvvəlləri idi. Rəsul pulu aprel ayının əvvəllərində, səhər tezdən 20 saylı orta məktəbin yaxınlığında, Müdafiə Nazirliyinin Ordu İdman Klubuna qarşı tərəfdə, Parlament prospektinə düşən küçədə, qara rəngli “CİP” markalı avtomaşında Akif Çovdarovun şəxsən özünə vermək lazım olduğunu dedi.

Akif Çovdarovla görüşmək istəmədiyimdən pulu qardaşım oğlu Əli Əhmədov və oğlum Ruslanın çatdıracağını Rəsula dedim. Akif Çovdarova vermək üçün hazırladığım 3 milyon manatın 1.200.000 ABŞ dolları, 1.500.000 avro, 300.000 isə manat əskinasda olub. Pulların hamısı birgə 3 milyona bərabər idi.

Rəsulla danışandan sonra həmin pulları oğlum Ruslana verdim. Kömək üçün qardaşım oğlu Əli Əhmədovu da çağırdım. Həmin pulları oğlum və qardaşım oğlunun necə qablaşdırmasından, nəyin içinə qoymalarından məlumatım yoxdur.

Əli və Ruslan qeyd olunan pulu aprelin 10-dan 12-nə kimi olan dövrdə, tarixin dəqiq xatırlamadığım zamanda Akif Çovdarova şəxsən veriblər. Pulu verəndən sonra Akif Çovdarov və digərləri ilə hər hansı bir əlaqəm, təmasım olmayıb”.

Tağı Əhmədov bildirib ki, 2015-ci ilin oktyabrında Eldar Mahmudov işdən çıxarıldıqdan sonra Rəsula zəng edib və Akif Çovdarovun ondan aldığı pulu qaytarmasını tələb edib: “Rəsul sözlərimi çatdıracağını dedi. Bir müddət sonra cavab verdi ki, Akif Çovdarov heç bir pul görmədiyini, almadığını deyir.

2014-cü ilin aprelində 3 milyon manat pul verməzdən bir-iki gün əvvəl metronun “Koroğlu” stansiyasında işləyən ticarət işçilərindən Elşən adlı şəxsi və qardaşım oğlu Şövqünü Akif Çovdarovun işçiləri qanunsuz olaraq iş yerlərindən nazirliyə aparıb, orada onların hər ikisini döyüblər. İşə qarışandan sonra, yəni nazirin köməkçisi Vüqar Mahmudova zəng vurandan sonra onların hər ikisini buraxıblar.

Akif Çovdarovun belə təzyiqlərindən sonra 2014-cü ilin aprel ayında 3 milyon manatı Akif Çovdarova çatdırmışam. Yalnız bundan sonra Akif Çovdarov məndən və yaxınlarımdan əl çəkib”.

Qeyd edək ki, Vüqar Mahmudovun cinayət işi baxılması üçün Bakı Hərbi Məhkəməsinə göndərilib.

Cinayət işi hakim Elbəy Allahverdiyevin icraatına verilib.

Məhkəmənin hazırlıq iclası mayın 1-nə təyin edilib.

BU KATEQORİYADAN OLAN DİGƏR XƏBƏRLƏR
+ Arxiv
Leyla Əliyeva dünya şöhrətli rəssam Zurab Seretelinin sərgisində - FOTO 23 May 2019, 01:00 ABŞ-la Venesuela müharibə vəziyyətində 23 May 2019, 00:57 Leyla Əliyeva I Azərbaycan Beynəlxalq Hematologiya Mütəxəssisləri Konqresində - FOTOLAR 23 May 2019, 00:46 Saakaşvili Ukrayna vətəndaşı olmaq üçün Zelenskiyə müraciət etdi 23 May 2019, 00:32 Türkiyədə özəl xəstəxana yandı 23 May 2019, 00:12 Azərbaycan nefti ucuzlaşdı 22 May 2019, 23:59 Əməkdar artist vəfat etdi 22 May 2019, 23:47 Avroviziya-2019-un nəticələri dəyişdi 22 May 2019, 23:35 Rəsmi Bakı Gürcüstanla sərhəd məsələsin müzakirə edir 22 May 2019, 23:19 Ali Rada  Zelenskini rədd etdi 22 May 2019, 23:01 Paşinyan ciddi kadr dəyişikliklərinə hazırlaşır 22 May 2019, 22:41 Gənc qızı it dişlədi 22 May 2019, 22:27 UEFA İcraiyyə Komitəsinin gündəliyi açıqlandı     22 May 2019, 22:13 “Səbail” ilk yay transferini həyata keçirib 22 May 2019, 21:59 “Biz daim azərbaycanlı iş adamlarına dəstək verməyə çalışırıq” – Səfir 22 May 2019, 21:29 Türkiyədə avtobus qəzası: yaralılar var 22 May 2019, 21:13 8 marşrut xətti üzrə avtobusların hərəkəti dəyişdirilir 22 May 2019, 20:55 İstanbulda bələdiyyə seçkisi nəticələrinin ləğvi səbəbi - RƏSMİ 22 May 2019, 20:44 Bakıdan Ağcabədiyə qonaq gedən qız itkin düşdü 22 May 2019, 20:43 Azərbaycanla Böyük Britaniya enerji əməkdaşlığı müzakirə edilib 22 May 2019, 20:30 Özildən azərbaycanlı azarkeşlərə - FOTO 22 May 2019, 20:16 DTX-da “Qırmızı papaq” tamaşası nümayiş etdiriləcək 22 May 2019, 20:01 Qəbul imtahanında ən yüksək bal toplayan abituriyent Modern.az-a danışdı: “Suallar çox da çətin deyildi” 22 May 2019, 19:47 Prezident və birinci xanım “Sovetski”də vətəndaşların problemləri ilə tanış olublar 22 May 2019, 18:57 Nazir Prezident təqaüdü alan gənclərin konsertində iştirak etdi 22 May 2019, 18:48 Çin Xalq Respublikasının Sədrindən İlham Əliyevə TƏBRİK 22 May 2019, 18:44 I və IV ixtisas qrupları üzrə qəbul imtahanlarının nəticələri AÇIQLANDI 22 May 2019, 18:33 Elmar Məmmədyarov BMT-nin nümaəyəndəsini qəbul etdi 22 May 2019, 18:25 ABŞ-ın Azərbaycandakı eks SƏFİRİ: “Bakı çox təhlükəsiz şəhərdir” 22 May 2019, 18:17 Zakir Həsənov göstəriş verdi - FOTO+VİDEO 22 May 2019, 18:06 “Azərbaycanın regionun lider dövlətinə çevrilməsi təbiidir” - YAP-çı deputat 22 May 2019, 17:58 İlqar Məmmədov polisə çağırıldı 22 May 2019, 17:53 Ərdoğan İlham Əliyevi təbrik etdi 22 May 2019, 17:42 Nazirlik məktəb direktorunun pensiyasını kəsdi - Saxta əlillik alıb 22 May 2019, 17:36 “Nar” 120-dən artıq yeni baza stansiyasını istifadəyə verib   22 May 2019, 17:30