Azərbaycan Birləşmiş Ərəb Əmirliklərinə (BƏƏ) təyin olunmuş yeni səfiri Mahir Əliyev etimadnaməsini bu ölkənin Xarici İşlər və Beynəlxalq Əməkdaşlıq Nazirliyinin baş katibi Əhməd Sari Əl Mazroueyə təqdim edib.
BƏƏ-li nazir azərbaycanlı səfirə fəaliyyətində uğurlar arzu edib. Modern.az-ın məlumatına görə, Mahir Əliyev 2008-ci ildək Təhsil Nazirliyində Beynəlxalq əlaqələr şöbəsinin müdiri olub. 2008-2015-ci illərdə Azərbaycanın Suriya və Livandakı səfiri postunu tutub. 2015-ci ilin mayında Azərbaycanın Əlcəzairdəki fövqəladə və səlahiyyətli səfiri vəzifəsinə təyin edilib. 2019-cu ilin bu günlərində ölkəmizin Birləşmiş Ərəb Əmirliklərindəki diplomatik korpusuna rəhbər təyin edilib. Birləşmiş Ərəb Əmirliklərindəki keçmiş səfir Daşqın Şikarov bir müddət əvvəl geri çağırılıb.