Modern.az

Dünyanın ən təhlükəli 10 ölkəsi – SİYAHI

Dünyanın ən təhlükəli 10 ölkəsi – SİYAHI

Dünya

25 Aprel 2019, 15:03

Dünyanın bir ısra ölkələrində insan oğurluğu, terror aktları, qətllər və seksual zorakılıqla bağlı situasiya ürəkaçan deyil. Ümumdünya İqtisadi Forumu dünyanın ən təhlükəli 10 ölkəsinin siyahısını hazırlayıb .

 

Modern.az həmin siyahıda yer alan ölkələri təqdim edir.

 

Kolumbiya

Bu ölkədə hərbçilərlə müxtəlif silahlı qruplaşmalar arasında baş verən toqquşmalar stabilliyə ciddi təhlükədir. Kolumbiyaya iş və turistik səfərlər həmişə xüsusi ehtiyatla edilir. Buna baxmayaraq, oğurluq, quldurluq və hücumlar bu ölkədə tez-tez olur. Zaman-zaman Kolumbiya terror hücumlarından da əziyyət çəkir.

 

Yəmən

Yəməndə hazırda vətəndaş müharibəsi tam sürəti ilə davam edir. Prezident Hadinin qüvvələri paytaxt Sənanı nəzarətdə saxlaytan “Ənsar Allah” qruplaşması ilə qanlı döyüşlər aparır. Patlayışlar və adam oğurluğu ölkənin bütün ərazilərində müşahidə olunur. 

Salvador

Bu Mərkəzi Amerika ölkəsi hər 100 min sakinə düşən qətl sayına görə dünya lideridir. Cinayətkarlıq, qətl və soyğunçuluq faizi həddən artıq yüksəkdir. Ölkəyə səfər eədn turistlər ilk növbədə xəbərdarlıqlara riayət etməlidir. 

Pakistan

Ekspertlər Pakistanın Heybər-Paxtunxva və Bəlucistan, həmçinin, federal tayfa birliklərinin ərazisinə səfər etməyi məsləhət görmür. Təhlükəsizlik orqanları paytaxt İslamabad və digər şəhərlərdə də terror riskinin olması barədə xəbərdarlıq ediblər. Son vaxtlar xarici ölkə vətəndaşlarının oğurlanması riski də artıb. 

Nigeriya

Bu Afrika ölkəsində etirazlar və siyasi görüşlər asanlıqla toqquşmalara çevrilə bildiyi üçün insanların sıx toplaşdığı yerlərdən uzaq olmaq lazımdır. Niger çayının deltasında vəziyyət xüsusilə  gərgindir. Orada neftçiləri və turistləri tez-tez oğurlayırlar. Nigeriyanın şimal-şərq ərazilərində isə “Boko Haram” qruplaşması ilə toqquşmalar əhalinin təhlükəsizliyinə ciddi zərər vurur. 

Venesuela

Venesuelada paytaxt Karakas daxil olmaqla, bütün ölkə boyu təhlükəsizlik problemləri mövcuddur. Təkcə 2016-cı ildə ölkədə 28 min qətl qeydə alınıb. Siyasi vəziyyət stabil deyil və yaxın vaxtlarda məsələnin həll olunacağı gözlənilmir. 

Misir

Son illərdə ölkədə dəhşətli terror aktları baş verib. Aksiyalar asanlıqla toqquşmalara çevrilir və çoxlu qan tökülür. Seksual cinayətlərin də sayı artdığı üçün qadınlardan ehtiyatlı olmaq tələb edilir. 

Keniya

Daha bir Afrika ölkəsi Keniyada və onun  iri şəhərlərində cinayətkarlıq rekord vurur. Silahlı hücumlar, oğurluq, avtomobil qaçırılması, zorlama və s. adi hal alıb.  Qonşuluqda Somali dövlətinin yerləşməsi terror riskini xeyli artırır. Keniya sularında isə dəıniz quldurları xarici gəmiləri ələ keçirərək dənizçiləri girov götürür. 

Honduras

Honduras da dünyanın ən təhlükəli ölkələrindən sayılır. Turistlər soyğunçuluq və hücumlardan şikayətçidirlər. Korrupsiyanın sistem şəklini almasına görə polis, məhkəmə və prokurorluq sistemi pis çalışır. Xüsusən, Tequsiqalpa, San-Pedro-Sula və Ia-Seyba şəhərlərində diqqətli olmaq lazımdır. 

Ukrayna

2013-cü ilin payızından Ukraynada siyasi və hərbi situasiya gərgindir. Avropa ölkələrinin XİN rəhbərləri Krım yarımadasına, Donetsk və Luqansk vilayətlərinə səfər etməməyi tövsiyə edir. İnsanların, o cümlədən əcnəbi vətəndaşların oğurlanması halları qeydə alınıb.

Instagram
Gündəmdən xəbəriniz olsun!
Keçid et
Ukraynadan hər kəsi şok edən xəbər: Azərbaycanlı jurnalist vəfat etdi