Metronun “Həzi Aslanov” stansiyasındakı keçidin tavanından su damır. Sərnişinlər stansiyaya daxil olmaqda çətinlik çəkir.
Məsələ ilə bağlı “Bakı Metropoliteni” QSC-nin mətbuat xidmətinin rəhbəri Bəxtiyar Məmmədov Modern.az-a faktı təsdiqləyib. O bildirib ki, buna səbəb ərazidəki su borusunda baş vermiş partlayışdır:
“Tərəfimizdən Azərsu” ASC-yə məlumat verilib. Hazırda “Qəza xidməti”nin əməkdaşları ərazidədir, problemi aradan qaldırırlar”.
B.Məmmədov qeyd edib ki, sərnişinlərin keçiddən istifadəsində problem yoxdur.
