“Azərsu” ASC bu gün keçirilən Formula 1 Azərbaycan Qran-Prisinin birinci sərbəst yürüşünün ləğv olunmasına münasibət bildirib.
Qurumun İctimaiyyətlə əlaqələr şöbəsinin müdiri Anar Cəbrayıllı Modern.az-a bildirib ki, ərazidəki lyuklara “Azərsu” cavabdeh deyil:
“Yarışların keçirildiyi küçələrdə bütün infrastruktura “Azvirt MMC” şirkəti cavabdehdir”.
Qeyd edək ki, bu gün keçirilən Formula 1 Azərbaycan Qran-Prisinin birinci sərbəst yürüşü sessiyası lyuk qapağının yerindən tərpənməsi nəticəsində ləğv olunub. Bakı Şəhər Halqasından verilən açıqlamada qeyd olunub ki, 300-dən çox lyuk təkrar yoxlanılacaq.