Arxiv
8 May 2019, 16:47 | PARLAMENT
“Hüseyn Abdullayev, Əli İnsanov kimilərinin maskası çoxdan cırılıb” - MÜSAHİBƏ

Modern.az Milli Məclisin deputatı Məlahət İbrahimqızı ilə müsahibəni təqdim edir.

 

- Məhahət xanım, ölkə başçısının fərman və sərəncamları ilə bu ilin  əvvəlindən islahatlara başlanılıb. İstərdik söhbətimizə bu mövzudan körpü salaq.


- Öncə onu qeyd etmək istəyirəm ki, möhtərəm Prezidentimiz islahatlara yeni başlamayıb. 2003-cü ildə Prezident seçilən gündən ölkədə köklü dəyişikliklərin edilməsi və bütün sahələrdə həyata keçirdiyi uğurlu islahatların nəticəsidir ki, o, beynəlxalq aləmdə islahatçı prezident kimi tanınır. Təcrübələr göstərir ki, cəmiyyət üçün birdən-birə inqilabi yolla dəyişikliklərin tətbiqi çox vaxt  müsbət nəticələr vermir. Bu mənada cənab Prezident 2003-cü ildən başlayaraq,  həyata keçirdiyi islahatlar mərhələli olmaqla,  eyni zamanda  ardıcıl və bir-birini tamamlayaraq həyata keçirilib. Bütün sahələrdə əldə edilən uğurların mənbəyi də budur.

2018-ci ildə möhtərəm Prezidentimiz növbəti dəfə seçkidən qalibiyyətlə çıxdı və elə inauqurasiya zamanı gələcəkdə həyata keçirəcəyi daxili və xarici siyasətin bütün istiqamətləri və prioritetləri haqda ictimaiyyətə anons verdi. Hətta söylədi ki, ölkəmiz yeni bir dönəmə başlayır. Bu dönəm Azərbaycan xalqının həyatında, dövlətimizin taleyində yeni bir mərhələ olacaq və ölkədə daha geniş islahatlar aparılacaq. Bu mənada ötən bir il ərzində həyata keçirilən siyasət, tədbirlər, aparılan islahatlar, verilən sərəncamlar, fərmanlar da bunu bir daha sübut edir.

Təkcə 2019-cu ildə imzalanan sənədlərə baxsaq, nə qədər möhtəşəm yeniliklərin olduğunu görərik. Əhalinin sosial-iqtisadi vəziyyətindən idarəçiliyə, hətta məhkəmə-hüquq sisteminə qədər bütün sahələri əhatə edir. Çox da uğurlu nəticələr qazanmaqla geniş ictimaiyyət tərəfindən dəstəklənir və təqdir edilir. Qeyd etdiyim islahatlar təkcə məhkəmə-hüquq sistemini deyil, vergilər, iqtisadi inkişaf, gömrük, sahibkarlıq, bank, vəkillik, qanunvericiliyin daha da təkmilləşdirilməsi, bütövlükdə ölkənin bütün sahələrini əhatə edir və əvvəlki illərdə olduğu kimi çox ciddi uğurlara imza atılacaq.

 

- Məlahət xanım, bu gün demək olarmı ki,  məhkəmə-hüquq sistemində  mövcud olan problemlər varsa, deməli, problemlər bu sistemdə çalışan  məsul şəxslər tərəfindən yaradılır və islahatların  gerçəkləşməsi çox çətin olacaq?
 

- Bu fikirlə razı deyiləm. Sözsüz ki, bu amil var. Amma mövcud problemlərin mövcudluğunu təkcə məmurla əsaslandırmaq ədalətsizlik olardı. Bilirsiniz, bu bütün dünyada belədir ki, cəmiyyət inkişaf etdikcə, ictimai münasibətlərin forma və məzmununda dəyişikliklər baş verdikcə, yeni tələb və ehtiyaclar yarandıqca yeni problemlər yaranır və islahatların həyata keçirilməsini zəruri edir. Ona görə məsələyə obyektiv yanaşmaq lazımdır. Bu gün bir sıra hallarda insanlarımızın bir çoxunun öz hüquqlarını bilməməsi də müəyyən problemler yaradır. Bəzən insanlar haqlı-haqsız məhkəmə-hüquq sistemini ittiham edir və ya narazılıq bildirirlər. Məsələnin mahiyyətinə varanda görürsən ki, elə deyil. Bütün məsələlərdə hüququn aliliyi prinsipi olmalıdır. Bugün insanların hüquqi maarifləndirilməsinə  də ehtiyac var. Sovet vaxtı televiziya kanallarında belə proqramlar verilirdi. Təəssüf ki, indi belə verilişlər demək olar ki, yoxdur. Dünyanın bütün ölkələrində hüquq-mühafizə, məhkəmə orqanlarından narazı qalanlar olur. Məhkəmə mübahisələri zamanı nəticədən bir tərəf qalib, digər tərəf narazı olur. Narazı  tərəf özünü haqlı saydığı üçün məhkəməni ittiham edir. Hesab edirəm ki, son fərmanın həyata keçirilməsi məhkəmə-hüquq sisteminin nəinki əlçatanlığını, şəffaflığını, obyektivliyini, operativliyini artıracaq, insanların hüquqi maarifləndirilməsi istiqamətində də müəyyən addımlar atılacaq.

Nəticə olaraq, onu əlavə edirəm ki, bütün bu islahatların həyata keçirilməsində ölkəmizdə çox qəti siyasi iradə var.

 

- Son günlər müzakirə olunan məsələlərdən biri də həbsdən azadlığa buraxılan sabiq səhiyyə naziri Əli İnsanovun və məhkəmə prosesi gedən, vaxtilə Yeni Azərbaycan Partiyasının üzvü kimi millət vəkili seçilmiş Hüseyin Abdullayevin açıqlamalarıdır. Bu barədə sizin fikrinizi öyrənmək istərdik...

 

- Öncə demək istərdim ki, hər iki insan külli miqdarda dövlət və xalqın əmlakını əsassız və zor gücü ilə mənimsəyərək, cinayət törədib. Həyat göstərir ki, bütün zamanlarda xalqın əmlakı mənimsənilirsə, bunun  cavabını qanun və Allah verir. Hamı da məncə bu tarixi və həyat  təcrübəsindən dərs götürməlidir. 

Bu barədə kifayət qədər danışılıb, mövqe bildirilib. Əlbəttə, mən də öz mövqeyimi bildirmişəm. Qısaca olaraq, əlavə etmək istərdim ki, Heydər Əliyevin işığında, formalaşmış, yüksək mövqe tutmuş, hər zaman da ulu öndərin kölgəsinə sığınan adamların bu gün bu siyasətə qarşı çıxmasını nə xalq bağışlayar nə də Allah.  

Çünki bunun  adı həm xəyanətdir, həm də sərt nankorluqdur. Bu cür insanların aqibətini də hər kəs bilir.

 

-Ümumiyyətlə, riyakar və avanturist insanların hakimiyyətə minnət vurmağa, sitəm etməyə nə qədər haqqı var?

 

- Bu insanlar danışdıqca  özlərini daha da ifşa edirlər. Axı Azərbaycan xalqı hər kəsin keçmişini çox gözəl bilir. Bu uzaq tarix deyil ki, unudulsun. Onlar hələ də anlamırlar ki, Heydər Əliyevə və ya onun siyasətinə, onun qoyduğu yola qarşı olmaq xalqa qarşı çıxmaqdır. Çünki biz Heydər Əliyev deyəndə Azərbaycan xalqı başa düşürük. Bu gün Azərbaycan xalqı var olmasına görə Heydər Əliyevə borcludur. 91-93-cü illərdə Azərbaycan dünya xəritəsindən yox olmaq təhlükəsindəydi, ölkə parçalanırdı. Heydər Əliyevin dühası sayəsində Azərbaycan bu gün dünya birliyində öz yeri olan ölkəyə çevrilib. 

 

- Amma onlar bu hakimiyyətin qurucularından olduğunu bildirirlər...

 

- Bilirsiniz, Heydər Əliyevin hakimiyyətə gətirilməsində ən əsas faktor zamanın və Azərbaycan xalqının zərurətdən doğan qətiyyətli tələbi idi. O zaman xalqın səsi bir sel gücü kimi idi. Bütövlükdə xalq üzünü Naxçıvana döndərmişdi. Heydər Əliyev Sovet dövründə çox yüksək vəzifələrdə olmuş böyük dövlət adamı idi. Onun heç bir vəzifəyə ehtiyacı yox idi. Ölkə xaos içində idi, fəlakətlə üzbəüz qalmışdı. Ulu öndər xalqımızı və müstəqilliyimizi qorudu. Daha doğrusu, hakimiyyətin də, dövlətin də qurucusu Heyder Əliyev və xalq oldu. Bunu bugün hər kəs bilir. 

 

- Bir məqama da diqqətinizi çəkmək istərdim. Hüseyn Abdullayev Avropaya güvənirdi və ora sığınmışdı. Əli İnsanov isə çıxışlarında Amerika və Qərb tərəfindən dəstəkləndiyini xüsusi vurğulayır. Bu barədə nə deyə bilərsiniz?

 

- Bu fikirlər hər kəsdə acı gülüş hissi doğurur. Bu fikirləri səsləndirən insanlar öz millətinin qüruruna,  xüsusilə də şəhidlərimizin ruhuna hörmətsizlik etmiş olurlar.
Bu gün möhtərəm prezidentimizin yürütdüyü siyasət nəticəsində heç kim Azərbaycanla təzyiq dili ilə danışa bilməz. İstər beynəlxalq layihələr, istər Qarabağ, istərsə də başqa məsələlərdə Prezidentimizə təzyiq edilir ki, güzəşt eləsin, amma o, Azərbaycanın, xalqımızın milli maraqlarını üstün tutaraq qətiyyətli mövqeyini ifadə edir. Prezidentimiz bütün beynəlxalq tədbirlərdə çıxış edərək, Qarabağ məsələsi ilə bağlı qəti mövqeyini bildirir. Yəni, kimin nə deməyindən asılı olamayaraq, Azərbaycana təzyiq göstərib nəsə əldə etmək mümkün deyil. Zaman göstərdi ki, Qərb, Avropa, Amerika - onların hamısı ancaq öz marağını güdür.


Bu gün Avropadakı bəzi dairələr siyasi məhbus iddiası ilə əsassız bəyanatlar verirlər. Amma Hüseyn Abdullayev, Əli İnsanov kimi insanlar siyasi məhbus deyillər axı. Onların həbs olunması konkret cinayətə görə baş verib. Beynəlxalq təşkilatlar dərk edirlər ki,  bu cür adamları müdafiə etməklə özlərinin qalan imiclərini də itirəcəklər. Bəzi qüvvələr buna çalışsalar da, Azəbaycan xalqı bu cür oyunlara inanmır. Onların demokratiya, insan hüquqları, söz azadlıqları  və  maskaları çoxdan cırılıb. Çünki bu cür təşkilatların demokratiya adı altında hansı niyyətlərin  yatdığını dünya artıq bilir. 

 

 - O fikirlər səslənir ki, Əli İnsanov faktoru hakimiyyət içindən qopmalara səbəb ola bilər. Guya kimlərsə açıq, yaxud da gizli ona dəstək verə bilər. Bunu nə qədər real saymaq olar?

 

- Kim deyir ki? Vallah, bu cür sözlər o qədər gülməlidir. Əli İnsanovu bundan sonra kim dəstəkləyər, kim onun yanında gedər? Bu adamların heç birinin sosial bazası yoxdur. İstər ənənəvi radikal müxalifətin, istər Əli İnsanov və onun kimilərin ətrafında heç kim yoxdur, olmayacaq da. Bu bir gerçəklikdir ki, bütün cəmiyyətlərdə müəyyən narazı təbəqə olur. Bu insanlar iqtidara qarşı narazı deyil, onlar müəyyən və konkret məmurlara qarşı narazıdır. Onlar heç vaxt İlham Əliyevə qarşı çıxmırlar. Xarici və daxili araşdırmalar, sorğular da bunu sübut edir. Özlərini müxalifət adlandıran qüvvələr bu təbəqədən istifadə etməyə çalışsalar da, heç bir nəticə əldə edə bilmirlər. Bu gün hər kəs bilir ki, Azərbaycan Prezidenti kürsüsünə kim layiqdir. Bu adamlar möhtərəm Prezidentimizin səviyyəsinin milyonda biri deyillər, heç vaxt da onunla ayaqlaşa bilməzlər. Onların bir-iki qohum-əqrəbasından başqa heç kim yanlarında dayanmaz. Ağlı başında olan, dünyagörüşü olan insanlar bu məsələdə onlardan uzaq dururlar.  


- Məlahət xanım, son dövrlər bəzi qüvvələr Azərbaycan haqqında mənfi rəy formalaşdırmağa çalışırlar. Bu yöndə səslənən fikirlər barədə mövqeyiniz necədir? 


- Əslində, güclü qüvvəyə, güclü dövlətə qarşı bu cür münasibətin olması təəccüblü deyil. Azərbaycana qarşı təxribat hər zaman olub. Azərbaycanın inkişafını gözü götürməyənlər bu qarayaxma kampaniyasını aparırlar. Çünki hələ Heydər Əliyevin rəhbərliyi dövründən başlayaraq, dövlətimiz regional və beynəlxalq əhəmiyyətli layihələr həyata keçirdikcə, bu təzyiq və təxribatlar bir qədər də artıb. TAP, TANAP, Bakı-Tiflis-Qars kimi layihələr asanlıqla həyata keçməyib. Bu ancaq möhtərəm Prezidentimiz cənab İlham Əliyevin qətiyyətli iradəsi, uzaqgörənliyi və xalqına sonsuz sevgisi nəticəsində gerçəkləşib. Sadəcə, təəssüf doğuran odur ki, bu ölkənin suyunu içib, çörəyini yeyən bəziləri də bu işə alət olurlar. Bir daha deyirəm ki, bir şeyi unudurlar, Prezident İlham Əliyevin yürütdüyü siyasət nəticəsində Azərbaycan güclü dövlətdir və öz müstəqil mövqeyindən də heç vaxt geri çəkilməyəcək. Heç kim, heç bir qüvvə Azərbaycanla zor, təzyiq dili ilə danışa bilməz. Nə yaxşı ki, Azərbaycan xalqı doğru yolun nə olduğunu bilir və bu yolda davam edir.  

BU KATEQORİYADAN OLAN DİGƏR XƏBƏRLƏR
+ Arxiv
Türkiyə daha 2 şəhid verdi 20 İyul 2019, 00:31 Yasamalda mənzildə iki  meyit aşkarlandı 20 İyul 2019, 00:14 İki nazirlik şadlıq evindəki zəhərlənmə ilə bağlı məlumat yaydı 19 İyul 2019, 23:59 Tovuzda toya gələn gənc yol qəzasının qurbanı oldu 19 İyul 2019, 23:43 Nazir Çinin yeni səfirini qəbul etdi 19 İyul 2019, 23:25 Dənizdə boğulan gənc xəstəxanada ayıldı - VİDEO 19 İyul 2019, 23:05 İran Hörmuz boğazında Britaniya tankerini saxladı 19 İyul 2019, 22:47 “İşğal altında olan Dağlıq Qarabağ dünyanın heç bir suveren dövləti tərəfindən tanınmır” - XİN 19 İyul 2019, 22:33 Əsgərin yola salınma mərasimində kütləvi zəhərlənmə 19 İyul 2019, 22:16 FETÖ-ya bağlı baş nazir istefa verdi 19 İyul 2019, 22:03 Şirvanda toyda 14 nəfər tüstüdən zəhərləndi 19 İyul 2019, 21:46 Sel Türkiyədə 7 can aldı 19 İyul 2019, 21:28 Rövşən Lənkəranskinin qətli  “göyərti kralı” ilə bağlı olub - Şok ifadə 19 İyul 2019, 21:16 Amerikada mətbuat tarixi və ya Xəbərlər heç vaxt yatmır... 19 İyul 2019, 21:09 ABŞ Venesuelaya yeni sanksiya tətbiq edir 19 İyul 2019, 20:56 Avstriyada təyyarə qəzası: Ölənlər var 19 İyul 2019, 20:43 Bu məhkəmələr ləğv edildi - SİYAHI 19 İyul 2019, 20:17 Davudoğlundan sərt təpki: “Hər qapını bağlasalar da, susmayacağıq” 19 İyul 2019, 20:03 Ərdoğan İlham Əliyevə zəng etdi 19 İyul 2019, 20:00 Polis jurnalistlərlə birgə gücləndirilmiş əməliyyat tədbirlərinə başladı - FOTO 19 İyul 2019, 19:52 Bakıda daha bir beynəlxalq turnir keçiriləcək - “Baku Open” 19 İyul 2019, 19:43 Prezident 11 səfiri geri çağırdı 19 İyul 2019, 19:34 “Qarabağ” UEFA reytinqində irəlilədi   19 İyul 2019, 19:25 Neft Fondunun gəlir və xərcləri təsdiqləndi -SƏRƏNCAM 19 İyul 2019, 19:15 Dövlət Komitəsinin bir sıra səlahiyyətləri ləğv edildi - FƏRMAN 19 İyul 2019, 19:06 Əcnəbilərə Azərbaycanda təhsil almaq üçün yeni imkan - FƏRMAN 19 İyul 2019, 18:58 Azercell ödənişsiz göz müayinələri təşkil etdi   19 İyul 2019, 18:49 Prezident məhkəmə sədrini vəzifəsindən azad etdi - SƏRƏNCAM 19 İyul 2019, 18:42 Qəbul imtahanının yeganə rekordçusu Səbinə: “Müəllimlərim məni təmənnasız hazırlayıblar”   19 İyul 2019, 18:35 Azərbaycanda hakimlərlə bağlı yeni SƏRƏNCAM 19 İyul 2019, 18:27 Bu nazirliyiə övladlığagötürmə ilə bağlı yeni səlahiyyətlər VERİLDİ 19 İyul 2019, 18:19 Mətbuat Şurası Elçin Əlibəylinin saytına xəbərdarlıq etdi 19 İyul 2019, 18:10 Dövlət Komitəsi aparatının işçilərinin sayı artırıldı 19 İyul 2019, 18:02 SƏLİS-ə daxil olan proqramlardan istifadə qaydalarına dair təlimlər başladı 19 İyul 2019, 17:55 230-dan çox insan Azercell-in ödənişsiz göz müayinələrindən yararlanıb   19 İyul 2019, 17:47