Arxiv
10 May 2019, 14:53 | PARLAMENT
Heydər Əliyevin keçmiş müxalifləri: “Ümummilli lider olmasaydı...”

10 may tarixi görkəmli dövlət xadimi, mərhum eks-prezident Heydər Əliyevin doğum günüdür. Vaxtilə Heydər Əliyev komandasına müxalif olmuş deputatlar ümumilli lider haqda fikirlərini Modern.az-la bölüşüblər.


Vəhtət Partiyasının Milli Məclisdə təmsil olunan sədri Tahir Kərimli
deyir ki, Heydər Əliyev ən qatı müxalif vaxtında belə ona qarşı sərt münasibət göstərməyib:

“Müxalif olarkən də onu böyük siyasətçi hesab edirdim. Çox böyük dövlət xadimidir. Bunu zaman getdikcə, daha yaxşı anlamaq olur. Millətin ən böyük təşkilatı dövlətdir. Dövləti qurmaq, onu qoruyub saxlamağı hər adam bacarmır. Heydər Əliyev bütün dövlətləri neytrallaşdıraraq “Əsrin müqaviləsi”ni bağladı. Azərbaycanın bugünki inkişafı, görülən işlər, ölkə büdcəsinə daxil olan milyardlarla dollar hamısı ulu öndərin zəhmətinin məhsuludur. Bunu hətta ən qatı düşmənlər də etiraf edir. Milli Məclisdə Heydər Əliyevə qarşı sərt münasibət göstərilərkən onu açıq şəkildə müdafiə edir, görüşüb danışırdıq. Mən Ali Məhkəmədə işlədiyim zamanlarda o da Naxçıvanda olarkən tez-tez telefon danışıqları edirdik. Müxalif olmağıma rəğmən heç vaxt haqqımda cinayət işi açmayıb, həbs olunmamışam. Çünki bilirdi ki, bütün cəhdlərim dövlət, xalq üçün idi”.

 

Böyük Quruluş Partiyasının parlamentdəki sədri Fazil Mustafa qeyd edir ki, Heydər Əliyev öz fəaliyyətilə ona olan münasibəti dəyişdirməyi bacardı:

 
“Azərbaycan kimi dövlətlərdə əsas məsələlərdən biri onun müstəqilliyinin qorunub-saxlanılmasıdır. Necə qoruyub saxlamaq? Bu konkret olaraq tarixi şəxslərə görə dəyərləndirilməlidir. Azərbaycanın  müstəqilliyinin əldə olunmasında rolu olan siyasi qüvvələrin haqqı heç vaxt unudulmamalıdır. Bunun da önündə Azərbaycan Xalq Cəbhəsi (AXC) gəlir. Bu hərəkatın təşəbbüsü ilə məsələ öz həllini möhtəşəm şəkildə tapdı. Bunu Heydər Əliyev özü də yüksək qiymətləndirirdi. Ümummilli lider qəbul edirdi ki, Azərbaycanın müstəqilliyinin  özəyi olan AXC çox möhtəşəm işlər gördü. Lakin sonrakı tarixi dövr daha fərqli bir istiqamətdə getdi. Azərbaycan müəyyən dərəcədə daha böyük təzyiqlərlə üzləşdi. Müstəqilliyin qorunması Qarabağ məsələsində əlacsızlıq elə bir şərait yaratdı ki, Azərbaycanın beynəlxalq arenada abad bir ölkə olaraq tanınması, yerləşməsi və öz sözünü deməsi tələbatı var idi. Bu tələbatı Heydər Əliyev hamıdan fərqli və praktik şəkildə görməyi bacardı. O müstəqilliyin qorunması üçün daha çox fədakarlığın edilməsinə ehtiyac olduğunu gördü və bunu qoruyub saxlaya bildi. O dövr üçün bu rolu Heydər Əliyevdən başqa kimsənin götürməsi çətin və mümkünsüz olardı. Ona görə də bizim baxış bucağımızın dəyişməsində bu məsələ böyük rol oynadı. Çünki biz Azərbaycanda birdən-birə demokratik cəmiyyət qurulmasını arzulayırdıq. Hər şeyin də bu məsələ üzərində ümumiləşməsinə çalışırdıq. Sonra baxdıq ki, dünya dövlətlərindən Azərbaycanda demokratiya tələb edən, sadəcə bəhanə olaraq demokratiyanı istifadə edən bir yanaşma var. Əsas məqsəd o idi ki, Azərbaycanı necə zəiflətsinlər, Ermənistan qarşısında iradəmizi ortaya qoymaqdan məhrum etsinlər. Bunu da hamıdan yaxşı məhz Heydər Əliyev gördü. Neft müqaviləsini bağlayaraq, Qərbin Azərbaycanda maraqlarını təmin etməklə müəyyən dərəcədə bu sindromu dağıtdı. Bizim üçün də hədəf Azərbaycanın müstəqilliyi və təhlükəsizliyi idi. Buna görə də onu fəaliyyətini indi müstəqilliyin qorunub-saxlanılmasında böyük rolu olan bir şəxsiyyət kimi qəbul etməyə başladıq”.


Vətəndaş Birliyi Partiyasının sədri, deputat Sabir Hacıyevin
sözlərinə görə, Heydər Əliyev çağdaş Azərbaycanın banisi sayılır:

“Heydər Əliyevin həyat yolunu müşahidə etsək, görərik ki, o doğurdan da böyük bir şəxsiyyət olub. Artıq 50 ildir ki, Azərbaycanda dövlət rəhbəri kimi ən birinci şəxs hesab olunur. 1969-cu ildə respublikaya rəhbərliyə gəldiyi dövrdən Azərbaycan xalqı çox böyük inkişafa nail olub. İqtisadiyyat, kənd təsərrüfatı, eləcə də neft sahəsindəki  əməyi sayəsində Azərbaycan bu gün keçmiş SSRİ ölkələri içərisində aparıcı dövlət kimi irəli gedib. Yadımdadır ki, o vaxt tələbəlik illərimdə bu inkişaf mərhələsi bizim gözümüzün önündə gedirdi. Heydər Əliyev fəaliyyətinə, bacarığına görə SSRİ Kommunist Partiyasının Siyasi Bürosunun üzvü, SSRİ Nazirlər Sovetinin birinci müavini kimi  keçmiş ittifaq miqyasında ən yüksək vəzifələrə təyin edilmişdi.  Baxmayaraq ki, SSRİ rəhbərliyində ona qarşı haqsızlıq etmişdilər. Heydər Əliyev istefada olarkən belə, Azərbaycanı diqqət mərkəzində saxlayıb. 1993-cü ildən bəri onun hakimiyyəti altında Azərbaycan dövləti yenidən quruldu”.

BU KATEQORİYADAN OLAN DİGƏR XƏBƏRLƏR
+ Arxiv
Problemli kreditlər – şikayətlər var... 20 May 2019, 10:24 Sənədsiz evlərə görə “əmlak amnistiyası” verilə bilər 20 May 2019, 10:19 “Rayonumuzu təmiz saxlayaq” 20 May 2019, 10:08 Yolların kənarında dayanmış yük avtomobilləri qəza şəraiti yaradır - Yol polisi hara baxır? 20 May 2019, 09:51 Nardaranda dəhşət! Oğul 77 yaşlı anasını öldürüb meyitini yandırdı 20 May 2019, 09:49 Ermənilər kəndlərimizi atəşə tutdu 20 May 2019, 09:48 3 ayda boşanmalar: “Bəzi kişilər qadın, bəzi qadınlarsa kişi kimidir” 20 May 2019, 09:41 Əcnəbilərlə nikaha girən 797 azərbaycanlı boşanıb - RƏSMİ 20 May 2019, 09:30 Ordumuzun genişmiqyaslı təlimləri başlayıb - 10 min əsgər, 150 tank... 20 May 2019, 09:12 İnsan alveri qurbanına çevrilmənin vasitələri hansılardır? - Təcili ZƏNG EDİN! 20 May 2019, 09:01 Zaur Darğallı Marneulinin yeni meri seçilib 20 May 2019, 08:48 Rafiq Hüseynlinin xanımına axırıncı sözü qızı ilə bağlı olub - Məşhurların son günü 20 May 2019, 08:36 Los Ancelesin azərbaycanlı şerifi 20 May 2019, 08:11 Fırtına Azərbaycanın qərb bölgəsinə ziyan vurdu 20 May 2019, 00:39 Azərbaycanlı qazilər Ərdoğanla görüşdü - FOTO 20 May 2019, 00:29 “Tiflisdə seçkilər ikinci tura qalacaq” – Baş nazir 20 May 2019, 00:13 “OPEC plus” öhdəlikləri 168 faiz yerinə yetirib 19 May 2019, 23:59 ABŞ səfirliyi yaxınlığında partlayış 19 May 2019, 23:37 “Qalatasaray”dan növbəti çempionluq 19 May 2019, 22:53 “Qəbələ” kuboku Tale Heydərova həsr edib 19 May 2019, 22:34 “Azərişıq” gücləndirilmiş iş rejiminə keçdi 19 May 2019, 22:01 Üç ay öncə itkin düşən şəxsin meyiti İran sərhəddində tapıldı 19 May 2019, 21:39 Saakaşvilidən tərəfdarlarına hücum əmri 19 May 2019, 21:22 AvroLiqanın finalına görə rayon maşınları üç gün Bakıya buraxılmayacaq - XƏBƏRDARLIQ 19 May 2019, 21:04 Misirdə güclü partlayış 19 May 2019, 20:43 Azərbaycanın ən güclü qadını - FOTO 19 May 2019, 20:27 Atatürk Qurtuluş savaşına gedərkən anası ilə belə VİDALAŞDI 19 May 2019, 20:08 “Şəmistan Əlizamanlı ən yüksək dövlət mükafatlarına layiqdir” - Aqil Abbas 19 May 2019, 18:22 Gəncədə gənc oğlan itkin düşüb - FOTO 19 May 2019, 18:10 II və III ixtisas qrupları üzrə keçirilən qəbul imtahanlarının düzgün CAVABLARI 19 May 2019, 17:51 Alimpaşa Məmmədov Dilqəm Əsgərovun oğluna kişi sözü verdi - FOTOLAR   19 May 2019, 17:33 Şəki sakini Balakəndə narkotik maddə dolu çanta ilə saxlanıldı 19 May 2019, 16:40 Azərbaycanlı gənclərin Roma forumu keçirilib   19 May 2019, 16:02 Meyvələrin qiyməti bahalaşacaq - SƏBƏB   19 May 2019, 15:35 Marneulidə seçici fəallığı 14%-ə çatıb 19 May 2019, 14:59