Arxiv
11 May 2019, 09:33 | ƏDƏBİYYAT
Varis – “Nobel”ə gedən yolun YOLÇUSU…

Onunla Sumqayıtda eyni məhəllədə, eyni binada böyümüşük. Rəhmətlik atası Musa müəllim filolologiya elmləri namizədi, yüksək ədəbli kişilərdən biri idi. Sumqayıt Kimya Texnologiya Texnikumunda baş müəllim işləyirdi. Anası Tamara xanım Sumqayıt Alüminium Zavodunda iqtisadçı vəzifəsində çalışırdı. Hər ikisi də Qazax rayonunda doğulmuşdu. Özündən böyük bacısının adı Solmaz, kiçik bacısının adı isə Almaz idi. Evin tək oğlu olduğuna görə valideynləri ondan heç nəyi əsirgəmirdi. O dövrün ən bahalı paltarlarını geyinir, ən yaxşı oyuncaqları ilə oynayırdı. Hətta məhəllədə növbə ilə sürdüyümüz ilk velosiped də ona alınmışdı. Həddi-buluğa çatandan sonra, necə deyərlər bir yerdə oturub-durur, o zamank; uşaqların xoşladığı bişdi-bişdi, kəmər vurdu, aşıq-aşıq kimi oyunları oynayırdıq. Məhəllələr arası futbol yarışlarında isə o, komandamızın kapitanı olardı. Nə isə, elə ki, böyüdük yollarımız ayrıldı…

Haqqında söhbət açdığım Varis Yolçuyev Sumqayıt şəhərində dünyaya gəlib. Orta təhsilini 17 nömrəli məktəbdə alıb. Sonra Bakı Dövlət Universitetinin filologiya fakwltəsini bitirib. 1991-ci ildə "168 saat" qəzetinin baş redaktoru, 1993-cü ildə isə "7 gün" qəzetinin redaktoru işləyib. 1995-ci ildə Azərbaycan Dövlət Televiziyasında ilk dəfə efirə gedən "Gecə kanalı" proqramının yaradıcılarından biri olub. 2004-2007-ci illərdə "Azərbaycan" nəşriyyatında baş redaktor vəzifəsində çalışıb. 2007-ci ildə AzTV-yə dəvət alıb və departamentlərdən birinə direktor təyin edilib. Azərbaycanda ilk "TV plyus" milli teleradio jurnalının baş redaktoru olub.

Azərbaycan və xarici ölkələrin mətbuatında yüzlərlə məqaləsi işıq üzü görüb. 2001-2005-ci illərdə dalbadal 5 dəfə bir sıra beynəlxalq qurumlar tərəfindən "European Market Research Center", "Editorial Office" kimi media mükafatları ilə təltif olunub. Müxtəlif illərdə "Dan ulduzu" ali jurnalistika mükafatına, "İlin ən yaxşı redaktoru" adına layiq görülüb. 

İlk hekayələri xalq yazıçısı İsmayıl Şıxlının təqdimatı ilə "Ulduz" jurnalında dərc edilib. Ötən əsrin 90-cı illərində ədəbi mətbuatda digər hekayələri də işıq üzü görməyə başlayıb. İlk bədii kitabı "Sonuncu ölən ümidlərdir" 2008-ci ilin noyabrında çap olunub. Sonuncu işıq üzü görən, sayca on beşinci, "Uzaqdan gələn yağış" romanı isə 2018-ci ildə nəşr edilib. 2017-ci ildə " Əməkdar jurnalist" fəxri adına layiq görülüb. 18 kitabın redaktorudur…

Varis Yolçuyevə təqdim olunan beynəlxalq mükafatlar o qədər çoxdur ki, hamısını sadalamağa səbrim çatmaz. Amma bəzilərini nəzərinizə çatdırmağı özümə borc bilirəm: Böyük Britaniya və Rusiyada verilən "İlin yazıçısı" fəxri adları, Varşavada təltif olunduğu YUNESKO-nun Adam Mitskeviç medalı, ABŞ-da Kreativ yazıçıların Nyu-York promokşn layihəsinə seçilərək fərqlənmə sertifikatına layiq görülməsi. Ən böyük uğuru isə ötən il Rusiyada keçirilən LiFFt dünya ədəbiyyat festivalında 170 dünya yazıçısı arasında laureat adını qazanaraq qızıl medala layiq görülməsi olub...

…Ömür-gün yoldaşı Kəmalə xanım Sumqayıt Tibb Kollecində müəllim işləyir. İki oğlu, bir qızı var. Böyük oğlu Murad Bakı Dövlət Universitetini bitirib. İkinci oğlu Cavad isə orta məktəbdə oxuyur. Qızı İşıl xanım isə bu il birinci sinfi bitirəcək…

Deyir ki, Nobel mükafatının mayasını Azərbaycan neftindən əldə olunan gəlir təşkil edir. Ona görə də ən böyük arzusu bu halal mükafata layiq görülməkdir…


Səyahət etməyi çox xoşlayır. İndiyədək on səkkiz ölkədə səfərdə olub. Mütaliədən yorulmur. Anar, Elçin, Kamal Abdullanın yeni yazılarını mətbuatdan daim izləyir. Kitablarını ara-sıra oxuduğu müəlliflərdən Mübariz Örənin, Elçin Səfərlinin, Natiq Rəsulzadənin adlarını dilə gətirdi və daha çox dünya ədəbiyyatı ilə maraqlandığını söylədi. Con Maksvel Kutzee, Orxan Pamuk, Haruki Murakami, Milan Kundera əsərlərini sevə-sevə oxuduğu yazıçılardır. Qabriel Markes, Umberto Eko, Joze Saramaqo kimi müasir dünya ədəbiyyatının nəhənglərini mütaliə etməkdən isə usanmır…

Deyir ki,- "Nəzəriyyəni bilsə, amma istedadı yoxdursa və ya istedadı var, amma nəzəriyyəni bilmirsə, o kəsdən yazıçı olmaz. Yazıçı mütaliədən yorulmamalı, ədəbi prosesləri izləməli, ədəbiyyatşünaslığı dərindən bilməlidir"…


Bəli, hər bir insanın böyüyüb boya-başa çatdığı bir məhəllə olur. İlk addımını atdığı, birinci uğurunu tay-tuşları ilə bölüşdüyü, hara getsə, hansı zirvəyə ucalsa da heç zaman unuda bilməyəcəyi məhəllə. Və söhbətimin sonunda onu da deyim ki, biz eyni məhəllədə böyüyən tay-tuşları Varisə həmişə inanmışıq, güvənmişik. 1988-ci ildə məlum Sumqayıt hadisələrində özü hazırladığı üçrəngli bayrağımızı ilk dəfə onun əlində görmüşdüm. Ümidvaram ki, nə vaxtsa "Nobel" mükafatına layiq görülən ilk Azərbaycan yazıçısı da Varis Yolçuyev olacaq…

Elman Eldaroğlu,
ABŞ, Miçiqan
 

BU KATEQORİYADAN OLAN DİGƏR XƏBƏRLƏR
+ Arxiv
72 yaşlı qələm adamı: “Doğulduğum günü xatırlamasam da, əzablı olduğuna əminəm...” 15 Dekabr 2019, 11:08 Yıxılaraq başından travma alan 9-cu sinif şagirdi vəfat edib 15 Dekabr 2019, 10:46 Mingəçevirdə qardaş qardaşı bıçaqladı 15 Dekabr 2019, 10:42 Nepalda avtobus dərəyə yuvarlanıb: 14 nəfər ölüb 15 Dekabr 2019, 10:39 Bələdiyyə seçkilərinə 1 həftə qaldı: bildirişlərin seçicilərə paylanması prosesi başa çatır 15 Dekabr 2019, 10:29 Küçədə qışlayanlar - Nazirlik neçə nəfərə sahib çıxıb? 15 Dekabr 2019, 10:14 Məşhurların qəribə sonları 15 Dekabr 2019, 10:00 Futbol üzrə Azərbaycan kuboku yarışlarında dörddəbir final mərhələsinə start veriləcək 15 Dekabr 2019, 09:52 Səttar Bəhlulzadə fenomeni 15 Dekabr 2019, 09:45 Ermənilər atəşkəs rejimini 21 dəfə pozub 15 Dekabr 2019, 09:38 Bakı və Gəncədə kafe yanıb 15 Dekabr 2019, 09:31 Növbəti metrostansiyada tikinti işləri yekunlaşdı - AÇILIŞ vaxtı bəlli oldu 15 Dekabr 2019, 09:24 Piyadanı vurub öldürdü 15 Dekabr 2019, 09:10 Məhəmmədi kəndində əl qumbarası aşkarlanıb - FOTO 15 Dekabr 2019, 08:58 Ərzaq anbarında güclü yanğın 15 Dekabr 2019, 00:31 Bakıda yol qazası tıxaca səbəb olub 15 Dekabr 2019, 00:14 Məktəblər bu səbəbdən bağlandı 14 Dekabr 2019, 23:53 Leyla Əliyeva “Zima-2019” Beynəlxalq Uşaq Festivalının qala-konsertində iştirak edib 14 Dekabr 2019, 23:33 Azərbaycanlı tələbə Türkiyədə öldü - SƏBƏB 14 Dekabr 2019, 23:16 Mingəçevirdə gənc oğlanı bıçaqladılar  14 Dekabr 2019, 23:01 Özünü polis əməkdaşı kimi təqdim edən dələduz saxlanılıb 14 Dekabr 2019, 22:33 Müdafiə Nazirliyinin nümayəndələri Moskvada 14 Dekabr 2019, 22:14 Nigeriyada terrorda 19 nəfər öldü 14 Dekabr 2019, 21:52 "ABŞ sanksiya tətbiq etsə, buna məcbur olacağıq" - Çavuşoğlu 14 Dekabr 2019, 21:34 Azərbaycanlı futbolçunun baş məşqçisi erməni oldu 14 Dekabr 2019, 21:16 Üç ay ərzində dəm qazından 106 nəfər ölüb 14 Dekabr 2019, 20:54 Bazardakı yanğın 300 kv. metr sahəni əhatə edib: xəsarət alan yoxdur - RƏSMİ 14 Dekabr 2019, 20:36 Türkiyə, Almaniya, İran və İtaliyanın tibbi ekspertləri Bakıya toplandı - FOTO 14 Dekabr 2019, 20:19 "3-cü mikrorayon bazarı"ndakı yanğında iki avtomobil yandı 14 Dekabr 2019, 20:03 Bakının bu ərazisində işıqlar söndürüldü 14 Dekabr 2019, 18:52 AMİP deputatlığa namizədlərinin adlarını açıqladı - Etibar Məmmədov SİYAHIDA yoxdu 14 Dekabr 2019, 18:44 Çingiz Mustafayev adına radio satışa çıxarılmayacaq, amma... 14 Dekabr 2019, 18:41 3-cü mikrorayon bazarındakı yanğın söndürüldü - VİDEO - YENİLƏNİB 14 Dekabr 2019, 18:27 3-cü mikrorayon dairəsi BAĞLANDI - BNA sürücülərə müraciət etdi 14 Dekabr 2019, 18:21 MSK parlament seçkilərinin müşahidəsi üçün beynəlxalq təşkilatlara dəvət göndərib 14 Dekabr 2019, 17:54