ABŞ-da helikopter qəzası baş verib.
Modern.az xarici mediaya istinadən xəbər verir ki, hadisə Yuta ştatının dağlıq ərazisində qeydə alınıb. Helikopterin dağlıq əraziyə düşməsi nəticəsində 2 nəfər həlak olub. Ölənlərin heyət üzvləri olduqları bildirilir.
Məlumata görə, helikopter Ballard şəhərindən Solt-Leyk-Siti dairəsinin hava limanına uçurmuş. Hava maşınının axtarışları helikopterdə olanlardan birinin ailə üzvlərinin onun gecikməsi barədə xəbər verməsindən sonra başlayıb.
Qəzanın səbəbləri araşdırılır. Hələlik, yalnız o məlumdur ki, həmin ərazidə əlverişsiz hava şəraiti mövcuddur.
Daha əvvəl də ABŞ-da helikopter şəhərə düşərək bir neçə avtomobilə və binaya çırpılıb.