İranda 8 Maydan bu yana güclü yağışlar nəticəsində davam edən sel və ildırımlar 20 nəfərin həyatına son qoyub.
Modern.az xarici KİV-ə istinadən xəbər verir ki, bunu İran Təcili Yardım Təşkilatının sözçüsü Müctəba Halidi mətbuata açıqlamasında bildirib.
O qeyd edib ki, Ərdəbil, Şərqi Azərbaycan, Qərbi Azərbaycan, Zəncan, Xorasan, Rəzəvi, Cənubi Xorasan, Çaharmahal-Bəxtiyar, İsfahan, Kirmanşah, Kürdüstan, Fars, Xuzistan , Kirman, Loristan, mərkəzi, Kohgiluye-Buyer Əhməd və Gilan əyalətlərində şiddətli yağışın yol açdığı sel fəlakəti və ildırım səbəbiylə 20 nəfər ölüb, 37 nəfər yaralanıb.
Onu da qeyd edək ki, ümumilikdə martın 17-də başlayan güclü yağışlar nəticəsində 78 nəfər həlak olub.
Daxili işlər naziri Əbdürrza Rəhmani Fəzli sel nəticəsində dəyən ümumi ziyanın 7 milyard 619 milyon dollar civarında olduğunu vurğulamışdı.
