Arxiv
22 May 2019, 11:11 | MƏDƏNİYYƏT
Tələbə xörəyinə möhtac qalan milyoner qızı - Sara xanımın son günü - Bir şəklin TARİXÇƏSİ

Ənvər Əliyev

Ağrılı günlərimizdən birini yaşasaq da, bilməlisiniz ki, bu gün xalqımızın əvəzsiz, ruhu önündə hələ də borclu qaldığımız övladlarından biri olan Hacı Zeynalabdin Tağıyevin son övladı - Sara xanım Tağıyevanın anadan olduğu gündür! O, 120 il bundan qabaq, dövrqünün ən imkanlı, ən səxavətli, ən yüksək milli təəssübə malik olan kişilərindən birinin ailəsində dünyaya göz açdıb. Bir vaxtlar - ömrünün son günlərində onu yaxından tanıyan, tez-tez görən bir insan kimi haqqındakı bir yazımı sizə təqdin etməyi borc bildim. Onu da deyim ki, bu təkcə bir xatirə yox, həm də qananlar üçün bəlkə də bir ibrət dərsi oldu!

.... Xeyli əvvəlki illərin söhbətidi. Bir dəfə nahar fasiləsində iş yoldaşım Niftalı müəllimlə Cavid prospektində gəzişıirdik. Bu vaxt qarşımıza pal-paltarı çox nimdaş olan bir qadınla rastlaşdıq. Onun bir əlində nimdaş bir çanta, digər əlində isə tor zənbilin içində xeyli kağız-kuğuz vardı. Mən ona kömək etmək istəyəndə o, dərhal əlindəkiləri bərk-bərk özünə sıxıb, məndən qorumaq istədi. Mən heç nə başa düşmədim. Bu vaxt Niftalı müəllim bərkdən “Sara xanım, qorxmayın, o, sizə kömək etmək istəyir” deyib, qayğıkeşliklə qadının halını soruşdu, “yəqin ki, yenə də Akademiyaya gedirsiniz” dedi.

O, məzhun bir səslə təsdiq cavabı verdi. Onun yaxşı görmədiyi də aydın hiss olunurdu. Mən Niftalı müəllimdən qadının kimliyini soruşduqda, o, doluxsunmuş halda başını yelləyərək dərindən bir ah çəkdi. Xəbərin olsun ki, bu biçarə bədbəxt rəhmətlik Hacının qızı Sara xanımdır”.

 Məni dəhşət bürüdü. Həyatın nə amansız anları varmış... Neçə-neçə azərbaycanlı övladını yedirib, geyindirib, oxutduran, milyonlarını əsirgəmədən Vətən, Millət yolunda xərcləyən bir kişinin yeganə övladının gününə bax! Saraylarda dünyaya gəlib, neçə-neçə qulluqçu himayəsində uşaqlıq keçirən xanımana bir qadının cır-cındır içindəki son gün-güzəranı! Nə deyəsən bu dünyanın işinə!..

Bəli, şaumyanlara, mikoyanlara heykəl qoyub, təntənəli yubileylər keçirən bir məmləkətdə bütün var-dövlətini millət yolunda qoymuş, sözün əsl mənasında “Millət atası” olan H.Z.Tağıyevin qızı əlindəki saralmış bu qovluq dolu kağızlarla atasının hamı tərəfindən qəbul edilən haqqını kimlərəsə sübut etməyə çalışırdı.... 

...Axşam ürək sızladan bu əhvalatı yasadığım aspirant yataqxanasındakı dostlarıma danışanda dərhal qəti bir qərara gəldik. Necə olursa – olsun Sara xanımla əlaqə yarat lazımdır. Qərarlaşdırdıq ki, həftədə bir-iki dəfə yoldaşlarımla onun M.Ə.Sabir adına Pedaqoji Texnikumun arxasındakı binanın birinci mərtəbəsindəki olduqca yoxsul, miskin mənzilinə baş çəkib, ona isti xörək aparaq. 

Dünyanın belə işlərinə nə adı verəsən? Var-dövləti yerə-göyə sığmayan bir milyoner qızı adi tələbə- aspirant  yeməyinə möhtac qalmışdı. Bu, indi də bizə bir ibrət dərsi olmalıdır. Vaxilə az qala bütün milləti yedirdib-içirməyə imkanı çatan, möhtəbər bir kişinin övladı, indi kimlərəsə möhtac idi. Kimin axırının necə olacağını bir Allah bilir! 

Üstündən bir xeyli vaxt keçmişdi. Artıq yaşlı, kimsəsiz bu insan son günlərini yaşayırdı. Mən yoldaşlarıma hər dəqiqə onun dəfninə hazır olmaq barədə xəbərdarlıq etmişdim. Fikrimdə onu öz çiynimdə son mənzilə yola salmaq kimi müqəddəs bir əhdim də var idi.

1992-ci ilin yanvarında yaxın bir dostum günortaya az qalmış 20 Yanvar meydanında mənə həyəcanla Sara xanımın vəfat etdiyini və bu gün dəfn ediləcəyini xəbər verdi. Mən dərhal özümü vida yerinə yetirdim. 

...Vida mərasimi onun doğma Ata evində  - Tarix muzeyində keçirilirdi. Mərhumun cənazəsi böyük zalın ortasında qoyulmuşdu. Burada heç gözləmədiyim halda çoxlu adam vardı. Bir dəstə qadın bərkdən ağlayıb, yanıqlı səslə ağı deyirdi. Bu, həm də nəcib, heç nəyini vətən övladlarından əsigəməyən bir kişinin əziz övladı, nəslinin son nümayəndəsi qarşısındakı qədir- qiymətini bilmədiyi millətinin kiçik bir dəstəsinin son vətəndaşlıq borcu idi. Buna da şükür! 

Çiynimə aldığım tabutla (qəzet şəklim də var) addımladıqca, fikir məni götürmüşdü. Gərəsən niyə bu millətin dərdini çəkənlərlə onun kefini çəkənlər həmişə ayrı-ayrı qütblərdə yaşayırlar?

P.S. Bu şəkil mənim arxivimdəndir. Son günlərinə az qalmış iş yoldaşlarımdan biri tərəfindən çəkilmişdir.

BU KATEQORİYADAN OLAN DİGƏR XƏBƏRLƏR
+ Arxiv
"Nəticəyə görə təəssüflənirik" - Baş məşqçi 13 Dekabr 2019, 00:31 "Yeni parlamentdə çoxpartiyalılıq olacağına ümidliyik" - Elçin Ağamalı 13 Dekabr 2019, 00:17 Azərbaycan nefti ucuzlaşır 12 Dekabr 2019, 23:59 “Qarabağ” Avroliqanı qrup üçüncüsü kimi tərk etdi 12 Dekabr 2019, 23:47 Bakının mərkəzində 2 bıçaqlı şəxs insanlara hücum etdi - FOTO, VİDEO 12 Dekabr 2019, 23:41 Ukrayna Prezidenti Azərbaycana gələcək 12 Dekabr 2019, 23:29 ABŞ Senatı erməni soyqırımını tanıdı 12 Dekabr 2019, 22:47 TAP layihəsinin 90,7 faizi reallaşdırılıb 12 Dekabr 2019, 22:42 İmişlidə yük və minik maşını toqquşdu: ölən var 12 Dekabr 2019, 22:30 Elmar Məmmədyarov Latviya prezidenti ilə Qarabağdan danışdı 12 Dekabr 2019, 22:16 Heydər Əliyev Həştərxanda da anılıb - FOTOLAR 12 Dekabr 2019, 21:44 Ankarada şagirdlər Azərbaycan himnini işarət dilində səsləndirdilər - VİDEO 12 Dekabr 2019, 21:39 Latviya Qarabağ münaqişənin sülh yolu ilə həllində Azərbaycanı dəstəkləyir 12 Dekabr 2019, 21:36 Gürcüstanın Baş prokuroru istefa verdi 12 Dekabr 2019, 21:20 Bakı-Məşhəd aviareysi açılır 12 Dekabr 2019, 21:07 Bakıda 102 evə ilk dəfə  təbii qaz verildi 12 Dekabr 2019, 21:04 “Qarabağ” “Düdelanj”a qarşı bu heyətlə oynayacaq 12 Dekabr 2019, 20:51 ABŞ Çinlə ticarət sazişini imzalayır 12 Dekabr 2019, 20:37 Yol polisindən piyadavurmaların qarşısını alacaq YENİLİK - VİDEO 12 Dekabr 2019, 20:20 Bu məhsullar bahalaşdı - SİYAHI 12 Dekabr 2019, 20:10 Abşeronda villa yandı 12 Dekabr 2019, 19:59 Heydər Əliyevin xatirəsi Belqradda anıldı 12 Dekabr 2019, 19:47 Messi “El Klassiko”nu gözləyir 12 Dekabr 2019, 19:33 AŞPA Azərbaycanda keçiriləcək parlament seçkilərini müzakirəyə ÇIXARIR 12 Dekabr 2019, 19:09 UEFA-dan “əsgər salamı” qərarı 12 Dekabr 2019, 18:56 Goranboyda məktəblini maşın vurdu 12 Dekabr 2019, 18:36 Həştərxanın qubernatoru Nərimanovda olub 12 Dekabr 2019, 18:29 102 FM tezliyi üçün sənəd qəbulu başa çatdı - 5 iddiaçı var 12 Dekabr 2019, 18:17 Finlandiyanı qadınlar idarə edəcək - Zərif məxluqlar əsas POSTLARDA 12 Dekabr 2019, 18:03 Elmar Məmmədyarov Latviya Prezidenti ilə görüşüb 12 Dekabr 2019, 17:40 Səhhəti pisləşən xalq artistindən XƏBƏR VAR 12 Dekabr 2019, 17:32 Dollar və manatın sabahkı MƏZƏNNƏSİ 12 Dekabr 2019, 17:29 Bibiheybət yolu nə zaman təmir olunacaq? 12 Dekabr 2019, 17:12 Azərbaycan Dünya Bankının kreditindən imtina edib  12 Dekabr 2019, 17:05 Millimizin sabiq futbolçusu həbs edildi 12 Dekabr 2019, 16:50