Bir neçə dəqiqə əvvəl sosial şəbəkə istifadəçiləri “titrədik”, “zəlzələ oldu” tipli statuslar paylaşıblar.
Məsələ ilə bağlı AMEA Respublika Seysmoloji Xidmət Mərkəzinin İnformasiya şöbəsinin rəhbəri Vüsalə Rafiqqızı Modern.az-a bildirib ki, bu saata qədər hər hansı maqnitudu 3 olan təkan qeydə alınmayıb.
V.Rafiqqızı qeyd edib ki, titrəmənin səbəbi hansısa ərazidə aparılan tikinti işləri və ya başqa texnogen səbəblər ola bilər.
O, eyni zamanda jurnalistlərə müraciət edib:
“Hər birinizdən informasiya yazarkən bizimlə dəqiqləşdirməyi xahiş edirəm. Çünki ictimaiyyətin, insanların düzgün məlumatlandırılması bu sahəyə cavabdeh qurum kimi bizim dəyərli KİV nümayəndələri ilə sıx əməkdaşlığmız nəticəsində mümkündür”.