Avropa Liqasının final matçının keçiriləcəyi tarixdə dənizkənarı Milli Parkda maraqlı oyun təşkil olunub. Belə ki, Azərbaycan Futbol Federesiyası 4 komanda arasında futbol yarışı keçirib. Oyunun maraqlı tərəfi iştirakçıların, hətta hakimin əlillik dərəcəsinin olmasıdır. Fiziki qüsurlarına rəğmən oyunçuların böyük həvəs və peşəkarlıqla nümayiş etdirdiyi oyun turistlər tərəfindən də böyük marağa səbəb olub.
Qarabağ Qazilər Futbol Federasiyasının vitse-prezidenti Elmar Hüseynov Modern.az-a oyun barədə məlumat verib:
“Dünya Futbol Federesiyanın təşkilati dəstəyi ilə Azərbaycan Futbol Federesiyasının 4 komandası “Abşeron”, “Qarabağ”, “Kəpəz” və “Gəncə” komandaları yarışır. “Qarabağ” 3-2 hesabı ilə “Abşeron” komandasını məğlub edib. “Kəpəz” isə “Gəncə” komandası ilə yarışacaq”.
