Arxiv
11 İyun 2019, 14:35 | PARLAMENT
“1 sentyabrda başlasın, 25 mayda bitsin” - Deputatlar dərs ili haqda DANIŞDILAR

Orta məktəblərdə dərs ilinin müddəti ilə bağlı mövzu yenidən aktuallaşıb. Valideynlərin böyük əksəriyyəti sosial şəbəkələrdə tədrisin 14 iyuna qədər uzadılmasını qəbul etmədiklərini vurğulayır, buna nəhayət son verilməsini istəyirlər.


Əksəriyyət düşünür ki, may ayının sonlarından etibarən məktəblərdə tədris proqramı bitir, o cümlədən isti günlərdə uşaqların məktəbə getməsi çətinləşir, davamiyyət aşağı düşür.


Bu səbəbdən də məktəblərin əvvəlki sistemlə - senytabrın 15-dən may ayının 31-nə kimi olmasını istəyirlər.


Milli Məclisin Elm və təhsil komitəsinin sədri İsa Həbibəyli isə əksinə, dərslərin iyun ayının 14-də bitməsinin olduqca normal hal olduğunu vurğulayır. Mövzu barədə Modern.az-a danışan deputat bildirib:


“Hazırda cəmiyyətdə belə fikir formalaşıb ki, tədris proqramlarında çox ağırlıq var və bu da şagirdlərin dərsləri qavramasında çətinlik yaradır. Amma mənim fikrimcə, şagirdlərin dərsləri qavramasındakı çətinliyi tədris prosesinin düzgün qurulmaması ilə əlaqədardır. Əgər məktəblərdə tədris prosesi normal qurularsa, ayrı-ayrı fənlərin tədrisi iyun ayının 14-nə kimi davam etməlidir. Bu isə şagirdlərin dərsləri daha asan qavramasına, təkamül əsasında başa çatmasına kömək edər.
İkincisi isə tətil günləri ilə bağlı demək istəyirəm ki, 3 ay tətil müddəti var. Bunu bir xeyli də uzatmaq fikrimcə, şagirdlərin hafizəsində sinifdən-sinifə keçmə prossesində çətinlik yaradır. Düşünürəm ki, 3 aylıq məzuniyyət şagirdlər üçün yetəri qədər çoxdur, buna 15 gün də əlavə etmək mənasızdı.
Dərslərin iyunda bitməsindən narazı qalan valideynlər ayrı-ayrı fənn proqramlarının bağlanmasından və təkrar dərslərin keçilməsindən şikayət edirlər. Bu, dərslərin iyunda bitməsi ilə deyil, bəzi məktəblərdə dərs proqramlarının düzgün qurulmaması ilə əlaqədardır”.

Milli Məclisin Elm və təhsil komitəsinin üzvü Sona Əliyeva isə həmkarından fərqli olaraq tədris ilinin mayın 25-də bitməsinin tərəfdarıdır:

“Mən əslində tədris ilinin senytabrın 1-dən başlanıb, may ayının 25-də bitməsinin tərəfdarlarındanam. Tədris proqramlarının erkən bağlanmasına gəlincə, demək istəyirəm ki, biz oxuduğumuz illərdə də may ayının 10-na kimi artıq kitablar yığılırdı, proqramlar bağlanırdı. Kitablar yığılandan sonra biz imtahana hazırlaşır, müzakirələr aparırdıq. Bundan əlavə, müəllimlərimiz yay üçün bizə kitablar məsləhət görürdü. Biz hətta yayda kitab oxuyub, onların annotasiyasını yazırdıq. Amma onu da düşünürəm ki, məsələni bu qədər şişirtməyin, “qlobal problem”ə çevirməyin də adı yoxdur”.

 

Xatırladaq ki, 2015-ci ilə kimi Azərbaycanda dərslər sentyabrın 15-də başlayır və mayın 31-də yekunlaşırdı.
Ancaq keçmiş təhsil naziri Mikayıl Cabbarovun 2014-cü ilin dekabrında imzaladığı əmrə əsasən, ümumtəhsil məktəbində dərs məşğələlərinin müddəti dəyişdi. Belə ki, həmin əmrlə dərslər sentyabrın 15-də başlayıb iyunun 14-də başa çatır, bu, hazırda da qüvvədədir.


Nuranə DAXİLQIZI

BU KATEQORİYADAN OLAN DİGƏR XƏBƏRLƏR
+ Arxiv
General deputatlığa namizədliyini irəli sürdü  15 Dekabr 2019, 16:48 Sevr və Lozandan başlanan ERMƏNİ YALANI 15 Dekabr 2019, 16:41 Xalq artisti Rəfael Dadaşov xəstəxanadan evə buraxılıb 15 Dekabr 2019, 15:59 Polkovnik Vəlişov niyə həbs edilib? - DİN açıqlama yaydı, yaxınları etiraz etdi 15 Dekabr 2019, 15:39 Sizə bir sirr açım - “Politologiya” adlı elm yoxdur 15 Dekabr 2019, 15:36 İtaliyada bomba təhlükəsi: 54 min sakin təxliyə edilib 15 Dekabr 2019, 15:08 Bu qədər şərləmək olmaz axı! 15 Dekabr 2019, 14:28 Suriyaya 900-dən çox qaçqın qayıdıb 15 Dekabr 2019, 14:28 Masallıda zəlzələ olub 15 Dekabr 2019, 14:08 Sabahın hava PROQNOZU 15 Dekabr 2019, 13:45 Harvard Universitetinə qəbul olunan Nigar məşhur komandirin QIZIDIR 15 Dekabr 2019, 13:31 “Namuslunu niyə apardılar, namussuz isə öz keyfindədir?” - Şirməmməd Hüseynovla internetdə olmayan MÜSAHİBƏ 15 Dekabr 2019, 12:39 Metroda faciənin qarşısı sərnişinlər tərəfindən alındı - FOTO 15 Dekabr 2019, 12:38 Filippində 6,8 bal gücündə zəlzələ olub 15 Dekabr 2019, 12:10 Səxavət Məmmədovun Amerikadakı YADİGARI 15 Dekabr 2019, 12:04 “Doğulduğum günü xatırlamasam da, əzablı olduğuna əminəm” - 73 yaşlı Xalq şairi 15 Dekabr 2019, 11:28 Yıxılaraq başından travma alan 9-cu sinif şagirdi ölüb 15 Dekabr 2019, 10:46 Mingəçevirdə qardaş qardaşı bıçaqladı 15 Dekabr 2019, 10:42 Nepalda avtobus dərəyə yuvarlanıb: 14 nəfər ölüb 15 Dekabr 2019, 10:39 Bələdiyyə seçkilərinə 1 həftə qaldı: bildirişlərin paylanması prosesi başa çatır 15 Dekabr 2019, 10:29 Küçədə qışlayanlar - Nazirlik neçə nəfərə sahib çıxıb? 15 Dekabr 2019, 10:14 Məşhurların qəribə sonları 15 Dekabr 2019, 10:00 Futbol üzrə Azərbaycan kuboku yarışlarında dörddəbir final başlayır 15 Dekabr 2019, 09:52 Səttar Bəhlulzadə fenomeni 15 Dekabr 2019, 09:45 Ermənilər atəşkəs rejimini 21 dəfə pozub 15 Dekabr 2019, 09:38 Bakı və Gəncədə kafe yanıb 15 Dekabr 2019, 09:31 Növbəti metrostansiyada tikinti işləri yekunlaşdı - AÇILIŞ vaxtı bəlli oldu 15 Dekabr 2019, 09:24 Piyadanı vurub öldürdü 15 Dekabr 2019, 09:10 Məhəmmədi kəndində əl qumbarası aşkarlanıb - FOTO 15 Dekabr 2019, 08:58 Ərzaq anbarında güclü yanğın 15 Dekabr 2019, 00:31 Bakıda yol qazası tıxaca səbəb olub 15 Dekabr 2019, 00:14 Məktəblər bu səbəbdən bağlandı 14 Dekabr 2019, 23:53 Leyla Əliyeva “Zima-2019” Beynəlxalq Uşaq Festivalının qala-konsertində iştirak edib 14 Dekabr 2019, 23:33 Azərbaycanlı tələbə Türkiyədə öldü - SƏBƏB 14 Dekabr 2019, 23:16 Mingəçevirdə gənc oğlanı bıçaqladılar  14 Dekabr 2019, 23:01