Modern.az

Dərman firmalarının həkimlərlə iş birliyinə son qoyulur - VİDEO

Dərman firmalarının həkimlərlə iş birliyinə son qoyulur - VİDEO

14 İyun 2019, 23:27

İcbari tibbi sığortanın ölkə üzrə tətbiqindən sonra Azərbaycanda dərman firmalarının həkimlərlə iş birliyinə son qoyulacaq.

Modern.az “Xəzər xəbər”ə istinadən xəbər verir ki, bunu Milli Məclisin Səhiyyə komitəsinin sədr müavini Musa Quliyev bildirib.

 

Millət vəkili bildirib ki, icbari tibbi sığorta sistemi işə düşdükdən sonra həkimlər sığorta paketinə daxil olan dərmanları müalicə protokoluna əsasən xəstəyə yazmalı olacaqlar. Bu dərmanlar sığorta paketinə daxil olduğu üçün, eyni zamanda, ucuz və pulsuz olduğundan, xəstələr də onlara həmin dərmanların yazılmasında maraqlı olacaqlar və bunu həkimdən tələb edəcəklər.

 

Musa Quliyev onu da bildirib ki, ambulator dərmanlar da sığorta paketinə salınacaq.

 

İcbari tibbi sığorta pilot layihə çərçivəsində Mingəçevir şəhərində, Yevlax və Ağdaş rayonlarında həyata keçirilir. 2020 ci ilin yanvar ayının 1-dən isə ölkə üzrə tətbiqinə başlanılacaq.

Twitter
Sizə yeni tvit var
Keçid et
Ukraynadan Rusiyaya ardıcıl zərbələr: Vəziyyət kritikdir