Bu gün Goranboy rayonunda Səhiyyə işçilərinin Peşə bayramı münasibəti ilə tədbir keçirilib.
Modern.az xəbər verir ki, tədbir Ulu Öndər Heydər Əliyevin abidəsi önünə tər çiçəklər qoyulduqdan sonra Goranboy rayon Mərkəzi Xəstəxanasını inzibati binasının akt zalında davam edib.
Tədbiri giriş sözü ilə açan Goranboy Rayon İcra Hakimiyyəti başçısı Məhərrəm Quliyev bildirib ki, 17 iyun ölkəmizdə Səhiyyə Nazirliyinin yarandığı tarixdir. Tibb işçilərinin peşə bayramı gününün təsis edilməsi haqqında Azərbaycan Respublikası Prezidentinin 4 iyun 2001-ci il tarixli sərancamına əsasən hər il iyunun 17-si Azərbaycan Respublikası tibb işçilərinin peşə bayramı günü kimi qeyd olunur.
İcra başçısı, Ulu Öndər Heydər Əliyevin səhiyyə sahəsinə göstərdiyi diqqət və qaygıdan bəhs edərək, bu siyasətin bu gün də möhtərəm Prezident İlham Əliyev və Birinci vitse-prezdent Mehriban xanım Əliyeva tərəfindən uğurla davam etdiyini bildirib.
Sonda fərqlənən səhiyyə işçilərinə Goranboy rayon İcra Hakimiyyətinin Fəxri Fərmanları təqdim olunub.