Goranboy rayon İcra Hakimiyyətinin başçısı tərəfindən vətəndaşların növbəti qəbulu keçirilib.
Goranboy rayon İcra Hakimiyyətinin başçısı tərəfindən iyunun 19-da vətəndaşların növbəti qəbulu keçirilib. Vətəndaşların qəbulunda idarə və müəssisə rəhbərləri, o cümlədən 85 nəfərdən çox vətəndaş iştirak edib. Qəbulda vətəndaşların təklif, müraciət və şikayətləri icra başçısı Məhərrəm Quliyev tərəfindən dinlənilib.
Vətəndaşların qəbulunda işlə təminat, suvarma suyu, həyətyanı torpaq sahəsinin verilməsi, maddi köməkliyin göstərilməsi, əliliyin təyin olunması ilə bağlı problemlər səsləndirib. Məhərrəm Quliyev vətəndaşların problemlərinin həlli istiqamətində aidiyyatı şəxslərə xüsusi tapşırıqlarını verib.
Qəbulda dinlənilən müraciətlərin çoxu yerindəcə öz həllini tapıb. Digər məsələlərin həlli araşdırılması üçün aidiyyəti uzrə müvafiq qurumlara tapşırıldı.