Arxiv
20 İyun 2019, 12:16 | PARLAMENT
Məmmədyarovla Mnatsakanyanın Vaşinqton görüşündən gözləntilər - “Nə qədər həyasız olasan ki…”

İyunun 20-də Vaşinqtonda Azərbaycan Xarici işlər naziri E.Məmmədyarov ilə Ermənistanın XİN başçısı Zöhrab Mnatsakanyan arasında görüş keçiriləcək. ATƏT-in Minsk qrupu həmsədrlərinin vasitəçiliyi ilə bir araya gələcək nazirlər Dağlıq Qarabağ münaqişəsinin tənzimlənməsi məsələsini müzakirə edəcəklər.  

Sözügedən görüşdən əvvəl isə Azərbaycan XİN rəhbəri və ABŞ dövlət katibinin köməkçisi, o cümlədən ATƏT-in Minsk qrupunun həmsədrləri arasında görüşlər keçirildi.

Vaşinqton görüşləri əhəmiyyət daşıyırmı? Bu görüşlərdən hansı nəticə hasil olacaq?


Deputat Asim Mollazadənin fikrincə, ABŞ-ın danışıqlar prosesində təşəbbüsü üzərinə götürməsi çox müsbət haldır. O, Modern.az-a bu haqda danışıb:

“Bu məqam əslində digər ölkələrin münaqişənin həllini öz monopoliyasına götürmək məsələsini azaldıb. Bununla yanaşı, yenə də beynəlxalq ictimaiyyətdən real qiymətləndirmə gözləyirik. Azərbaycanın əraziləri işğal altındadır. BMT-nin qətnamələrinə əməl olunmur. Biz gözləyirik ki, Ermənistan sülh istiqamətində ciddi addım atsın. Bu olmasa, ərazilərimizdə gərginlik artacaq. Azərbaycan torpaqlarının işğalı ilə barışmayacaq. Mənə elə gəlir ki, ABŞ hakimiyyətində hazırda ermənilərlə bağlı olmayan qüvvələr təmsil olunur. Biz Amerikadan beynəlxalq hüquq normalarına əsaslanaraq münaqişənin həlli üçün Ermənistanı sülhə məcbur etmək istiqamətində xüsusi addımlar gözləyirik”.

Deputat Aqil Abbas isə qətiyyətlə vurğulayıb ki, aparılan danışıqlar münaqişənin vaxtını uzatmağa xidmət edir:

“Erməni tərəfi və ATƏT həmsədrləri çalışırlar ki, Azərbaycanı nəticəsiz danışıqlara çəkərək, vaxt qazansınlar. Çünki Azərbaycanın inkişafı, hərbi cəhətdən güclənməsi, ölkə başçısının ünvanladığı mesajlar onları qorxudur. Bu qüvvələr sadəcə düşünürlər ki, vaxtı uzadıb, vəziyyətdən necə çıxacaqlarını götür-qoy etsinlər. ATƏT 26 ildə nə edib ki, bundan sonra da neyləsin…

Elmar Məmmədyarovun diplomatik təcrübəsinə söz ola bilməz. Ona görə, nazirimizə məsləhət verə bilmərəm. Sadəcə, öz fikrimi çatdırmaq istəyirəm ki, Azərbaycan düşmənin qarşısında konkret məsələ qoymalıdır. Ermənilərə çatdırmaq lazımdır ki, münaqişə müzakirə olunur, torpaqlarımızdan çıxırsınız, ondan sonra oturub stol arxasında qaçqın və məcburi köçkünlərin öz yerlərinə qaytarılmasını müzakirə edirik. Ancaq bu halda Dağlıq Qarabağın statusu haqqında düşünmək olar. Əgər tədbir adına tədbir keçiriləcəksə, sonda da şəkil çəkdirib, ayrılacaqlarsa, müzakirələrin mənası yoxdur”.

Xocalıdan olan deputat Elman Məmmədov düşünür ki, bu görüşlərin də münaqişənin həllində müsbət təsiri olmayacaq:

“Azərbaycan tərəfi olaraq, bizim görüşlərdəki tələb və təklifimiz məlumdur. Azərbaycanın torpaqları 30 ilə yaxındır ki, işğal altındadır, biz işğalçı dövlətin qoşunlarının ərazilərimizdən çıxarılmasını, ərazi bütövlüyümüzün təmin olunmasını tələb edirik. Prezident İlham Əliyev çıxışlarında dəfələrlə bəyan edib ki, mövqeyimiz dəyişməzdir.

Amma ermənilərin də mövqeyi var. Onların mövqelərini keçmiş və indiki rəhbərləri həyasızcasına, tərbiyəsizcəsinə bəyan edirlər. Deyirlər ki, bir qarış da geri çəkilmək niyyətində deyillər, guya hansısa ölkənin torpağını işğal etməyiblər, “tarixi”, “böyük Ermənistan” torpaqlarını “azad ediblər”. Hər görüşdə də buna oxşar bəyanatlar səsləndirirlər. İndiki halda danışıqların  nəticəsiz qalacağını əminliklə deyə bilərik”.

Deputatın sözlərinə görə, Ermənistan rəhbərliyi Azərbaycanın hər gün artan gücü qarşısında acizliyini, , zəifliyini dərk edir:

“Onların vasitəçilərə və beynəlxalq qurumlara dediyi bir söz var: “Biz arxayınıq ki, Azərbaycanı müharibə etməyə qoymayacaqsınız...”. Ermənilər Azərbaycanın hərbi sahəyə ayırdığı vəsaiti artırmasını, ən müasir silahlar almasını, Türkiyə ilə birgə təlimlər keçirməsini qabardılar, hay-küy salırlar. Nə qədər həyasız və tərbiyəsiz olmaq lazımdır ki, Azərbaycanın ərazilərini işğal edəsən, sonra belə deyəsən...

Təəssüf ki, ATƏT-in Minsk qrupunun həmsədr dövlətləri də ermənilərin mövqeyini təsdiqləyir. Deyirlər ki, güc, hərbi yolla problemin həlli mümkünsüzdür. Bu, ermənilərin xeyrinədir. Çünki onlar torpaqlarımızı  işğal edib, ərazilərimizdə oturublar, “Bizə dəyməyin...” – deyib, hay həşir salırlar.

Bütün dünyaya işğalçının da işğala məruz qalanın da kim olduğu məlumdur. Niyə işğalçıya və işğala məruz qalana münasibət eyni olmalıdır? Ona görə də belə görüşlərdən müsbət nəticə gözlənilmir. Bu, yalnız vaxt uzatmaqdır və  ermənilərin xeyrinə işləyir. Azərbaycanın səbri çoxdan tükənib, ermənilərin axmaq, həyasız hərəkətlərinə dözməməliyik. Azərbaycan Ordusu düşməni darmadağın edərək ərazilərindən çıxarmalıdır. Ordumuz buna qadirdir”.

BU KATEQORİYADAN OLAN DİGƏR XƏBƏRLƏR
+ Arxiv
5 general istefa verdi 25 Avqust 2019, 17:43 Putin G7 sammitinə gedir 25 Avqust 2019, 17:20 Türkiyə 3 şəhid verdi 25 Avqust 2019, 16:41 Azərbaycan hansı ölkələrə polipropilen və polietilen ixrac edir? - SİYAHI 25 Avqust 2019, 16:10 Homoseksualizmi yayan böyük GÜCLƏR - Onlar gəncləri necə tora salırlar... 25 Avqust 2019, 15:54 Bakıda 50 ədəd kömür kisəsi yanıb   25 Avqust 2019, 15:51 Güclü dolu və leysan yağış Daşkəsəndə fəsadlar yaradıb   25 Avqust 2019, 15:39 Mehriban Əliyevanın təşəbbüsü ilə şəhid ailəsinə ev verildi - FOTO 25 Avqust 2019, 15:20 Bakıda uşaq bağçası yandı 25 Avqust 2019, 15:00 İki minik avtomobili toqquşub, xəsarət alanlar var 25 Avqust 2019, 14:40 Mehriban Əliyevanın çoxşaxəli fəaliyyəti Azərbaycan xalqı, xüsusilə də gənclər tərəfindən böyük rəğbətlə qarşılanır   25 Avqust 2019, 14:31 Neçə nəfər Azərbaycanın "qara siyahı"sına düşüb? 25 Avqust 2019, 14:14 Həftənin ilk iş gününün havası  - Şimşək çaxacaq, yağış yağacaq 25 Avqust 2019, 14:00 Bu gün mənim ad günümdür - İstedadlı aktrisa Vəfa FƏTULLAYEVA haqqında 25 Avqust 2019, 13:43 Azərbaycanda yas mərasimində ev uçdu: yaralılar var 25 Avqust 2019, 13:14 Məşhur kinorejissorun İNTİHARI - Şövkət Ələkbərovanın əri özünü niyə güllələyib... 25 Avqust 2019, 13:01 Ova gedən şəxs birlikdə getdiyi dostunu güllələdi 25 Avqust 2019, 12:40 Naxçıvan Qarnizonunda komanda-qərargah təlimi keçirilib - VİDEO 25 Avqust 2019, 12:23 Biz mütləq qayıdacağıq!!! - Bahar Muradova 25 Avqust 2019, 12:00 Məşhurların övladları: Qabil Hüseynlinin musiqiçi qızı - Mətin pilotun xanımı - DOSYE 25 Avqust 2019, 11:37 ABŞ-da sualtı kitabxana açılıb   25 Avqust 2019, 11:19 Ən təhlükəli qan qrupu açıqlandı 25 Avqust 2019, 11:00 “Hər şeydən bezib yorulmuşdum” - Atasını bıçaqlayan 19 yaşlı Günelin dramı 25 Avqust 2019, 10:47 Oğuzda dağlıq ərazidə meşə yanır - 2 helikopter və təyyarə cəlb edilib   25 Avqust 2019, 10:30 Hacıların sonuncu qrupu bu gün vətənə dönür 25 Avqust 2019, 10:13 Yol polisi sürücülərə və sərnişinlərə sərin su payladı - FOTO 25 Avqust 2019, 10:00 Qubadakı yanğın məhdudlaşdırıldı 25 Avqust 2019, 09:45 Mövqelərimiz atəşə tutuldu 25 Avqust 2019, 09:30 Şəkidə baş vermiş yanğınlar 300 hektara yaxın ərazini əhatə edib   25 Avqust 2019, 09:15 Azərbaycan adından qrant alan qurumlar hesabat verəcək - QƏRAR 25 Avqust 2019, 09:00 Rusiyada azərbaycanlı bloqer SAXLANILDI 25 Avqust 2019, 00:53 Sumqayıtda iki qrup arasında kütləvi dava 25 Avqust 2019, 00:43 Bakıda avtobus iki piyadanı vurdu 25 Avqust 2019, 00:28 Zeynəbin  təhsil haqqı tam ödənildi 25 Avqust 2019, 00:12 Xəzərdə batan 2 nəfər xilas edildi 24 Avqust 2019, 23:57