Qazaxıstanın "Kazmortransflot" Milli Dəniz Gəmiçiliyi şirkətinə məxsus “Satti” üzən qazma qurğusu Azərbaycana çatdırılıb.
Modern.az xəbər verir ki, Üzən qazma qurğusu "Azərbaycan Xəzər Dəniz Gəmiçiliyi" QSC-nə (ASCO) məxsus yedək gəmilərinin müşaiyəti ilə Qazaxıstanın Kurik limanından yola salınıb.
Prosesə əsas yedək gəmisi kimi “Andoqa”, köməkçi yedək gəmisi kimi “Aura” və müşahidəçi gəmi kimi “SOCAR-1” gəmiləri cəlb olunub. Qurğu təhlükəsiz şəkildə "Caspian Drilling Company LTD." şirkətinə məxsus "CDC Dəniz Təchizat və Logistika Bazası"na çatdırılıb.
