Hazırda Heydər Əliyev prospektində tıxac yaranıb.
Bu barədə Modern.az-a məlumat verən Bakı Nəqliyyat Agentliyinin (BNA) mətbuat katibi Mais Ağayev bildirib ki, buna səbəb ərazidə yol nəqliyyat hadisəsinin qeydə alınmasıdır:
“Bir qədər əvvəl Heydər Əliyev prospekti Atletlər kəndinin qarşısında yol nəqliyyat hadisəsi baş verib. Bu səbəbdən də hazırda qeyd edilən ərazidə nəqliyyat vasitələrinin hərəkətində sıxlıq var”.
BNA rəsmisinin sözlərinə görə, sıxlıq həmin hissədən keçən müntəzəm marşrut xətləri üzrə avtobusların hərəkət intervalında gecikmələr yaradır.
