Rusiya Federasiyasının Buryatiya Respublikasında An-24 sərnişin təyyarəsi qəza enişi edib.
Bu haqda Modern.az Rusiya KİV-nə istinadən xəbər verir.
Hadisə nəticəsində 2 pilot həlak olub, 22 nəfər isə xəsarət alıb.
Xəsarət alanlardan 7-si xəstəxanaya yerləşdirilib, digərləri yaralananlar isə tibbi yardım göstərildikdən sonra evə buraxılıblar.
Qeyd edək ki, məlumata görə, təyyarə uçuş-enmə xəttindən 100 metr kənara çıxıb və təmizləyici qurğuların binası ilə toqquşub. Təyyarə bundan sonra yanmağa başlayıb.