Rusiyada stüardessa kimi çalışan 23 yaşlı Albina Muhametzyanova sevgilisi ilə getdiyi oteldə ölüb.
Modern.az “Qafqazinfo”ya istinadən xəbər verir ki, “I FLY” aviaşirkətində çalışan qadının cansız cəsədi hamam otağında tapılıb.
Bildirilir ki, hadisədən öncə Albina sevgilisi ilə otelə gəlib. Bir neçə saatdan sonra qızın Nikita adlı sevgilisi otelin qeydiyyat şöbəsinə düşərək otağı daha bir günlüyünə kirayələyib və taksiylə oradan ayrılıb.
İki gün sonra otağa girənlər stüardessanın meyitini hamam otağındakı vannanın içində tapıblar. Hadisədən sonra Nikitadan xəbər yoxdur. Cütlüyün çat vasitəsiylə tanış olduğu bildirilir.
Faktla bağlı araşdırma başlanıb.