İyulun 14-də Bilgəh qəsəbəsindəki qeyri-çimərlik (nəzarətsiz) ərazidə batdığı ehtimal olunan 1987-ci il təvəllüdlü Rəsulzadə İlham Tofiq oğlunun axtarışları başa çatıb.
Fövqəladə Hallar Nazirliyindən Modern.az-a verilən məlumata görə, İ.Rəsulzadənin meyiti Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq sudan çıxarılıb və aidiyyəti üzrə təhvil verilib.
İ.Rəsulzadə Müsavat Partiyasının üzvü Laləzar Məmmədlinin oğludur.
Mayda İlhamın 32 yaşı tamam olmuşdu.
Allah rəhmət eləsin...